تكریت.. ده‌یان داعش ده‌كوژرێن

چه‌ندین ناوچه‌ی ئه‌و شاره‌ بۆردومانكراوه‌

چه‌ند رووبه‌ڕوبونه‌وه‌یه‌كی قورس له‌نێوان هێزه‌ ئه‌منییه‌كانی عیراق و چه‌كداره‌ تیرۆرسته‌كانی داعش له‌ نزیك زانكۆی تكریت روویداو به‌ده‌یان داعش كوژران.

سه‌رچاوه‌یه‌كی ئه‌منی له‌ تكریت ئه‌مڕۆ 21-9-2014، تایبه‌ت به‌ PUKmedia ی راگه‌یاند: شه‌ڕوپێكدادانی قورس له‌نێوان هێزه‌ ئه‌منییه‌كانی عیراق و چه‌كداره‌ تیرۆرسته‌كانی داعش له‌ نزیك زانكۆی تكریت له‌ پارێزگای سه‌ڵاحه‌دین روویداو به‌هۆیه‌وه‌ ده‌یان چه‌كدرای داعش كوژراون.

ئه‌و سه‌رچاوه‌یه‌ ئه‌وه‌شی ئاشكراكرد، فرۆكه‌ جه‌نگییه‌كانی سوپا بۆردومانی چڕی ناوچه‌ی شیشین و دیوم و محزم و حه‌مزه‌ و بوعجیل و عه‌له‌م و قادسیه‌و كۆشكی سه‌رۆكایه‌تی-یان له‌و ناوچه‌یه‌ كردوه‌و به‌وهۆیه‌شه‌وه‌ ژماره‌یه‌كی زۆر چه‌كداری تیرۆرستی داعش كوژراون.

PUKmedia تایبه‌ت