جه‌له‌ولا.. پێشمه‌رگه‌ ئه‌میرێكی داعش ده‌ستگیرده‌كات

بۆماوه‌ی یه‌ك سه‌عات شه‌ڕوپێكدادان به‌رده‌وام بووه‌

هێزه‌كانی پێشمه‌رگه‌ له‌ سنوری نێوان كۆباشی و ئیمام وه‌یسی سه‌ربه‌ ناحیه‌ی جه‌له‌ولا دوو تیرۆرستیان ده‌ستگیركرد كه‌ یه‌كێكیان ئه‌میری گروپی تیرۆرستی داعشه‌.

سه‌رچاوه‌یه‌ك له‌ هێزه‌كانی پێشمه‌رگه‌ له‌ جه‌له‌ولا به‌ PUKmedia ی راگه‌یاند: سه‌رله‌به‌یانی ئه‌مڕۆ 21-9-2014 تیرۆرستانی داعش هێرشیانكرده‌ سه‌ر بازگه‌یه‌كی پێشمه‌رگه‌ له‌ نزیك كۆباشی، به‌ڵام ده‌ستبه‌جێ هێزه‌كانی پێشمه‌رگه‌ لێیان هاتنه‌ ده‌ست توانیان تیرۆرستان راوبنێن.

ئه‌و سه‌رچاوه‌یه‌ وتیشی: له‌ كاتی هه‌ڵهاتنی تیرۆرستانی داعشدا دووان له‌ تیرۆرستان فریای هه‌ڵهاتن نه‌كه‌وتوون و له‌لایه‌ن پێشمه‌رگه‌وه‌ ده‌ستگیركراون.

ئاماژه‌ی بۆئه‌وه‌شكرد: یه‌كێك له‌وتیرۆرستانه‌ی ده‌ستگیركراون ئه‌میری داعشه‌و برایه‌كی به‌رپرسه‌ له‌ كوشتنی 80 كوردی سه‌عدیه‌و خۆشی پێشتر له‌لایه‌ن دادگاوه‌ داواكراوه‌.

سه‌رچاوه‌كه‌ راشیگه‌یاند: له‌ هێرشه‌كانی ئه‌مڕۆدا خۆشبه‌ختانه‌ هێزه‌كانی پێشمه‌رگه‌ هیچ زیانێكیان به‌رنه‌كه‌وتووه‌.

PUKmedia په‌یامنێرانمان