45 هه‌زار هاووڵاتی كوردی رۆژئاوا چونه‌ته‌ خاكی توركیاوه‌

به‌هۆی هێرشه‌كانی تیرۆرستانی داعش، ئاواره‌بوون

له‌ماوه‌ی یه‌ك رۆژدا 45 هه‌زار هاووڵاتی كوردی رۆژئاوا، روویان كردووه‌ته‌ خاكی توركیا.

نه‌عمان قۆرتۆلمۆش جێگری سه‌رۆك وه‌زیرانی توركیا رایگه‌یاندووه‌: به‌هۆی هێرشه‌كانی داعشه‌وه‌، له‌ماوه‌ی یه‌ك رۆژدا 45 هه‌زار هاووڵاتی رۆژئاوا كه‌ به‌ ره‌گه‌ز كوردن روویان كردووه‌ته‌ هاتونه‌ته‌ خاكی توركیاوه‌.

راشیگه‌یاندووه‌: ئه‌و ئاواره‌ كوردانه‌ له‌ 8 خاڵی سنوری نێوان سوریا- توركیاوه‌ هاتون به‌ درێژایی 30 كیلۆمه‌تر.

به‌پێی ئه‌و لێدوانه‌ بێت له‌ رۆژی 19-9-2014 توركیا سنوری خۆی بۆ ئاواره‌كانی كوردانی رۆژئاوا كردووه‌ته‌وه‌.

له‌ رۆژی 18-9-2014 تیرۆرستانی داعش ده‌ستیان كردووه‌ به‌ هێرشكردن بۆ سه‌ر شاری كۆبانێ و به‌هۆی كرده‌وه‌ تیرۆرستیه‌كانیانه‌وه‌ به‌شێكی زۆر له‌ هاووڵاتیانی ئه‌و شاره‌ كه‌ كوردن ئاواره‌بوون.

PUKmedia   و/ هۆزان رۆسته‌م
سه‌رچاوه‌ / ئاژانسه‌كان