هێزه‌كانی پێشمه‌رگه‌ چاوه‌ڕوانی فه‌رمانن بۆ پێشڕه‌وی

چاوه‌ڕوانی فه‌رمانن بۆ پێشڕه‌ویكردن و پاككردنه‌وه‌ی ئه‌و ناوچانه‌ له‌چه‌كدارانی داعش

هێزه‌كانی پێشمه‌رگه‌ی كوردستان له‌ سه‌نگه‌ره‌كانی به‌رگریدان و چاوه‌ڕێی فه‌رمانن بۆ ئه‌وه‌ی چه‌ند ناوچه‌یه‌كی تر له‌ژێر ده‌ستی چه‌كدارانی تیرۆرستی داعش ده‌ربهێنن.

سه‌رچاوه‌یه‌ك له‌ هێزه‌كانی پێشمه‌رگه‌ تایبه‌ت به‌ PUKmedia ی راگه‌یاند: هێزێكی زۆری سوپای عیراق له‌ به‌غداو به‌عقوبه‌وه‌ به‌ره‌و ناوچه‌ی شاره‌بان و ئیمام وه‌یس و صدور به‌ڕێكه‌وتوون به‌ مه‌به‌ستی پاككردنه‌وه‌ی ئه‌و ناوچانه‌ له‌ چه‌كدارانی تیرۆرستی داعش، هه‌روه‌ها ژماره‌یه‌كی زۆری چه‌كداری تیرۆرستی داعش هاتوونه‌ته‌ سه‌عدیه‌و تبج و مه‌رجانه‌.

سه‌رچاوه‌كه‌ وتیشی: هه‌ر بۆ ئه‌و مه‌به‌سته‌ هێزه‌كانی پێشمه‌رگه‌ی كوردستان له‌و ناوچانه‌ له‌ سه‌نگه‌ره‌كانی به‌رگریدان و له‌ئاماده‌باشیدان بۆ روبه‌ڕوبوونه‌وه‌ی هه‌ر هێرشێكی تیرۆرستانی داعش كه‌ بكرێته‌ سه‌ریان، هه‌روه‌ها هێزه‌كانی پێشمه‌رگه‌ چاوه‌ڕوانی فه‌رمانن بۆ پێشڕه‌ویكردن و پاككردنه‌وه‌ی ئه‌و ناوچانه‌ له‌ چه‌كدارانی تیرۆرستی داعش.

PUKmedia   هه‌ڵمه‌ت خانه‌قینی