پێشمەرگایەتیی لەزانكۆی سلێمانی ‌ ‌

د.عەباس مستەفا

د.عەباس مستەفا

زانكۆی سلێمانی هەر لەسەرەتای دروستبوونییەوە، بێجگە لەوەی ناوەندێكی ئەكادیمی‌و رۆشنبیری بووە، رۆڵە گرنگەكەی خۆی لەدەستنەداوە بۆ پێشڕەویكردنی كۆمەڵگەو بەردەوام پەیوەندی توندوتۆڵی هەبووە لەگەڵ كۆمەڵگەداو بەشداری كایەیی خەباتی پێشمەرگایەتی‌و سیاسی‌و فەرهەنگی‌و...تاد، كردەوەو گواستنەوەی زۆرملێی ئەم زانكۆیەش لەلایەن رژێمی بەعسەوە باشترین نموونەی زیندووە گەواهی ئەو ڕاستیەیە كە باسمانكرد.
لێرەدا پرسیارێكی گرنگ سەرهەڵدەدات، كە چۆن مامۆستاو فەرمانبەرانی زانكۆی سلێمانی لەم قۆناغە هەستیارەی ئێستادا بەڕۆڵی خۆیان هاوشێوەی پێشمەرگە نەبەردەكانی كوردستان هەڵدەسەن‌و چۆن ئەوان لەبەرەی پاراستنی كەرامەت‌و شەرەفی كوردان‌و خۆنەویستانە بەرگری لەخاكی نیشتمان ئەكەن، ئاوهاش ئێمەی مامۆستاو فەرمانبەرانی زانكۆ چی بكەین؟
سەرۆكی زانكۆی سلێمانی لەم رۆژنامەیه‌دا، ستراتیژەكەی روونكردەوەو فاكەڵەتی پەروەردەی بنەڕەتی زانكۆی سلێمانی ئێستا، ئەوپلانەمان جێبەجێكردوەو خۆبەخشانە هەم مامۆستاو هەم فەرمانبەران خۆمان ئەركی پاك‌و خاوێنی كۆلێژو بەشەكان پاك دەكەینەوە به‌دروشمی ژینگەی خۆت پاك راگرە، ئەم پڕۆسەیە هەفتانە جێبەجێ دەكەین‌و هیوادارم فاكەڵەتی‌و سكوڵەكانی تریش بەهەمان شێوە ئەم پڕۆسەیە جێبەجێ بكەن .
هاوكات لەگەڵ دەستپێكردنی وەرزی نویێ خوێندن لەزانكۆ، دەبێت هەڵمەتێكی هۆشیاری گەورە بۆ خوێندكارانی خۆشەویست ئەنجام  بدرێت، لەسەر دوو ئاست؛
ئاستی یەكەم، پیشاندان‌و روونكردنەوەی ئەو ئەركە گەورەیی هێزی پێشمەرگە بەجێدەهێنی‌و هەستی نەتەوەیی‌و نیشتمانی‌و پیرۆزی خاك جارێكی تر بۆیان روونبكرێتەوە، خۆێندكارانیش بەشداربن لەم قۆناغەی ئێستاداو هەریەكەو بەتوانای خۆی بەشداربێت لەم بەرپرسیارەدا .
ئاستی دووەم، دەبێت چۆن خوێندكاران لەڕابرددودا ژینگە دۆست بوون،  ئەمساڵیش  ئەوانیش خۆبەخشانە بەشداربن لەهەڵمەتی پاك راگرتنی ژینگەو پاک و خاوێنی زانكۆ، هاوشێوەی ئەركی پێشمەرگایەتی سەیری بكەن‌و مێژووە زیندووەكە ی خۆێندكارانی زانكۆی سلێمانی دووبارە بكەنەوە لەپێشەنگیی‌و پێشڕەویكردنی كۆمەڵگەدا.
زۆرجار باسی ئەوە دەكرێت، تاچەند زانكۆو كۆمەڵگە پەیوەندیان به‌یه‌که‌وه‌ هەیە، لەڕاستیدا پەیوەندیە كە توندوتۆڵەو زۆر بەهێزیشە لەسەرجەم بوارەكاندا، هەربۆیە وەك چۆن لەدیدارە تەلەفزیۆنیەكانمدا تەئكیدم لێكردەوە، دەبێت ئەمساڵ لەگەڵ ورزی نوێی خوێندن‌و هاتنی خوێندكارانی قۆناغی نوێ، چەند سیمینارو وانەیەك تەرخانبكرێت بۆ ئەو دوو ئاستەی باسمكرد، بۆئه‌یه‌ ده‌بێت هەم مامۆستاو هەم خوێندكار پێكەوە هەڵگری مەشخەڵی سەركەوتنی ئەم قۆناغە بین.

* راگری فاكەلێتی پەروەردەی بنەڕەتی لەزانكۆی سلێمانی