ژماره‌یه‌ك سه‌گی به‌ره‌ڵا ئۆتۆمبێلێك وه‌رده‌گه‌ڕێنن

چوار له‌ سه‌رنشینانی ئۆتۆمبێله‌كه‌ برینداربوون

نیوه‌ڕۆی ئه‌مڕۆ 15-9-2014 له‌سه‌ر رێگه‌ی سه‌ره‌كی نێوان كه‌ركوك - سلێمانی و له‌نزیك ناحیه‌ی بازیان، به‌هۆی وه‌رگه‌ڕانی ئۆتۆمبێلێكه‌وه‌ (4) له‌ سه‌رنشینانی ئۆتۆمبێله‌كه‌ برینداربوون.

سه‌رچاوه‌یه‌ك له‌ بنكه‌ی پۆلیسی هاتوچۆی بازیان به‌ PUKmedia ی راگه‌یاند: ئه‌و رووداوه‌ له‌سه‌ر رێگه‌ی سه‌ره‌كی نێوان كه‌ركوك - سلێمانی و له‌نزیك ناحیه‌ی بازیان روویداوه‌، له‌ ئه‌نجامیشدا چوار له‌ سه‌رنشینانی ئۆتۆمبێله‌كه‌ برینداربوون و به‌هۆی سه‌ختی برینه‌كانیانه‌وه‌ ره‌وانه‌ی به‌شی فریاكه‌وتنی نه‌خۆشخانه‌ی سلێمانی كران.

وتیشی: ئه‌و رووداوه‌ به‌هۆی ئاژه‌ڵی به‌ره‌ڵاوه‌ دروستبووه‌، له‌كاتێكدا شۆفێری ئۆتۆمبێله‌كه‌ چه‌ند سه‌گێكی به‌ره‌ڵا هاتوونه‌ته‌ پێش ئۆتۆمبێله‌كه‌ی ویستویه‌تی خۆی له‌ سه‌گه‌كان لابدات، به‌ڵام كۆنترۆڵی له‌ده‌ستداوه‌و به‌وهۆیه‌وه‌ وه‌رگه‌ڕاوه‌.

PUKmedia  هه‌ردی ئه‌بوبه‌كر