نوێنه‌رێك: گۆڕانكاری وه‌زاره‌ته‌كان زیان به‌ كورد ناگه‌یه‌نێت

ده‌ستبه‌رداربوونی كورد له‌وه‌زاره‌تی ده‌ره‌وه‌ هیچ كێشه‌یه‌ك دروست ناكات

ئه‌ندامێكی كورد له‌ ئه‌نجومه‌نی نوێنه‌رانی عیراق رایگه‌یاند: لایه‌نه‌ كوردستانیه‌كان نابێت به‌دوای پۆسته‌كانی حكومه‌تی پێشوه‌وه‌ بن، ته‌ئكیدیشی كرده‌وه‌ له‌سه‌ر یه‌كڕیزی لایه‌نه‌ كوردییه‌كان له‌به‌غدا.

موحسین دۆسكی ئه‌ندامی ئه‌نجومه‌نی نوێنه‌رانی عیراق له‌ له‌سه‌ر فراكسیۆنی سه‌وز ئه‌مڕۆ 2-9-2014، به‌ PUKmedia ی راگه‌یاند: گۆڕانكاری له‌وه‌رگرتنی وه‌زاره‌ته‌كانداو وازهێنان له‌ وه‌زاره‌تێك و وه‌رگرتنی وه‌زاره‌تێكی تر، وه‌كو وازهێنان له‌وه‌زاره‌تی ده‌ره‌وه‌و وه‌رگرتنی وه‌زاره‌تی نه‌وت یان دارایی هیچ كێشه‌یه‌ك دروست ناكات بۆ لایه‌نی كوردستانی، ته‌ئكیدیشیكرده‌وه‌، كه‌ عیراق ده‌وڵه‌تێكی دیموكراتیه‌ به‌ شێوازی هاوپه‌یمانی و رێككه‌وتن به‌ڕێوه‌ده‌برێت.

وتیشی: به‌ڕێوه‌به‌ردنی وه‌زاره‌تی نه‌وت باشتره‌ له‌ وه‌زاره‌تی ده‌ره‌وه‌ بۆكورد.

له‌باره‌ی دوارۆژی پرۆسه‌ی سیاسی له‌ عیراق و رۆڵی كورد تێیدا و مامه‌ڵه‌ی كورد له‌گه‌ڵ حكومه‌تی داهاتووی عیراق كه‌ حه‌یده‌ر عه‌بادی راسێپرداوه‌ بۆ پێكهێنانی، موحسین دۆسكی رایگه‌یاند: كێشه‌مان له‌گه‌ڵ سه‌رۆكایه‌تی حكومه‌تی فیدرالی نییه‌، عه‌بادی سه‌رۆكایه‌تی بكات یان نوری مالیكی، گرنگ ئه‌وه‌یه‌ كورد هه‌ڵوێستێكی یه‌كگرتووی هه‌بێت، جه‌ختیشیكرده‌وه‌ كه‌ گرنگی یه‌كڕیزی هه‌ڵوێستی لایه‌نه‌ كوردستانیه‌كان، گره‌نتی ته‌واوه‌تییه‌ بۆ به‌هێزی كورد و رۆڵی له‌ پرۆسه‌ی سیاسی حكومه‌تی داهاتووی عیراقدا.

PUKmedia فائیق ئێزدی