رێگای كه‌ركوك- به‌غدا كۆنتڕۆڵكرا

له‌یه‌ن پێشمه‌رگه‌و سوپای عیراقه‌وه‌ كۆنـتڕۆڵكرایه‌وه‌

هێزه‌كانی پێشمه‌رگه‌ به‌ هاوبه‌شی له‌گه‌ڵ سوپای عیراق رێگای سه‌ره‌كی كه‌ركوك- به‌غدایان كۆنـتڕۆڵكرده‌وه‌.

له‌وباره‌یه‌وه‌ كه‌ریم شكور لێپرسراوی بازنه‌ی حه‌مرینی یه‌كێتیی نیشتمانیی كوردستان به‌ PUKmedia ی راگه‌یاند: ئه‌مڕۆ 1-9-2014 له‌دوای كۆنتڕۆڵكردنه‌وه‌ی ناحیه‌ی سلێمانبه‌گ و ده‌وروبه‌ری هێزه‌كانی پێشمه‌رگه‌ به‌ هاوبه‌شی له‌گه‌ڵ سوپای عیراق رێگای سه‌ره‌كی كه‌ركوك- به‌غدایان كۆنتـڕۆڵكرده‌وه‌.

وتیشی: به‌هۆی ترسی بۆمبڕێژكردنی له‌لایه‌ن تیرۆرستانی داعشه‌وه‌ رێگاكه‌ به‌ ته‌واوه‌تی به‌ڕوی هاووڵاتیاندا نه‌كراوه‌ته‌وه‌.

جێی باسه‌ له‌دوای روداوه‌كانی 9-6-2014 ه‌و هێرشی تیرۆرستانی داعش و كۆنتڕۆڵكردنی ناوچه‌ی عوزێم و ده‌وربه‌ری رێگای سه‌ره‌كی كه‌ركوك- به‌غدا له‌لایه‌ن تیرۆرستانه‌وه‌ كۆنـتڕۆڵكراو به‌ناچاریش هاووڵاتیان له‌ڕێگایه‌كی درێژو زه‌حمه‌ت كه‌ به‌ پشت قه‌زای خانه‌قیندا تێده‌په‌ڕی هاتوچۆیان ده‌كرد.

PUKmedia سیروان كه‌ركوكی