ده‌ربه‌ندیخان.. فڕۆكه‌یه‌كی بێ فڕۆكه‌وان ده‌كه‌وێته‌ خواره‌وه‌

گومان ده‌كرێت فڕۆكه‌كه‌ سیخوڕی بێت

كه‌مێك پێش ئێستا فڕۆكه‌یه‌كی بێ فڕۆكه‌وان له‌ گوندێكی ده‌ربه‌ندیخان كه‌وته‌ خواره‌وه‌.

په‌یامێرمان پێی راگه‌یاندین، كه‌مێك پێش ئێستا له‌گوندی چرچه‌قڵا-ی سه‌ر به‌ شارۆچكه‌ی ده‌ربه‌ندیخان فڕۆكه‌یه‌كی بێ فڕۆكه‌وان كه‌تۆته‌ خواره‌وه‌ و تاتئێستاش هیچ زانیارییه‌كه‌ی وورد له‌سه‌ر ئه‌و فڕۆكه‌یه‌ نه‌زانراوه‌.

ئه‌وه‌شی پێڕاگه‌یاندین، كه‌ هێزه‌ ئه‌منیه‌كان گومانی ئه‌وه‌ده‌كه‌ن فڕۆكه‌كه‌ سیخوڕی بێت به‌ڵام تائێستا نه‌زانراوه‌ هی چ وڵاتێكه‌، له‌ئێستاشدا هێزه‌ ئه‌منیه‌كان له‌ ناوچه‌كه‌ن و لێكۆڵینه‌وه‌ له‌ روداوه‌كه‌ ده‌كه‌ن.

په‌یامنێرمان وتیشی: كه‌وتنه‌ خواره‌وه‌ی فڕۆكه‌ بێ فڕۆكه‌وانه‌كه‌ هیچ زیانێكی به‌دواوه‌ نه‌بووه‌.

PUKmedia سامان یاروه‌یس