رێكخراوه‌كانی ژنانی هه‌ڵه‌بجه‌ هاوكاری پێشمه‌رگه‌ ده‌كه‌ن

"رۆڵی هێزه‌كانی پێشمه‌رگه‌ له‌پاراستنی ناوچه‌كه‌و سنوری كوردستان به‌رز ده‌نرخێنین"

ئه‌مڕۆ 31-8-2014 وه‌فدێكی باڵای رێكخراوه‌كانی ژنانی هه‌ڵه‌بجه‌ هێزه‌كانی پێشمه‌رگه‌ی كوردستانیان له‌ میحوه‌ری گه‌رمه‌سێر به‌سه‌ركرده‌وه‌و هاوكاری و كۆمه‌كیان پێگه‌یاندن.

له‌وباره‌یه‌وه‌ نوێنه‌ری رێكخراوه‌كانی ژنانی هه‌ڵه‌بجه‌ به‌ PUKmedia ی راگه‌یاند: مه‌به‌ستمان له‌م به‌سه‌ركردنه‌وه‌یه‌ ئه‌وه‌ بووه‌ كه‌ له‌نزیكه‌وه‌ سه‌ردانی سه‌نگه‌ره‌كانی پێشه‌وه‌ی هێزه‌كانی پێشمه‌رگه‌ی كوردستان بكه‌ین و ده‌ستخۆشی و ستایشی ئه‌رك و ماندوو بوون و شه‌ونخونی و گیانفیداییان پێڕابگه‌یه‌نین.

وتیشی: پشتگیری و پشتیوانی رێكخراوه‌كانی ژنانی هه‌ڵه‌بجه‌مان بۆ هێزه‌كانی پێشمه‌رگه‌ دووپاتكردوه‌ته‌وه‌و رۆڵی هێزه‌كانی پێشمه‌رگه‌ش له‌ پاراستنی ناوچه‌كه‌و سنوری كوردستان به‌رز ده‌نرخێنین.

PUKmedia هه‌ڵمه‌ت خانه‌قینی