پێشمه‌رگه‌ چیای به‌تانه‌ كۆنترۆڵ ده‌كاته‌وه‌

پێشمه‌رگه‌ ته‌نها دوو كیلۆمه‌تری ماوه‌ بگه‌نه‌ ناو ناحیه‌ی‌ زوممار

به‌ره‌به‌یانی‌ ئه‌مڕۆ به‌رواری 28-8-2014  هێزه‌كانی‌ پێشمه‌رگه‌ له‌چه‌ند قۆڵێكه‌وه‌ هێرشیان كرده‌ سه‌ر موڵگه‌كانی تیرۆرستان، له‌گوندی‌ مه‌حمودیه‌ی سه‌ر به‌ ناحیه‌ی‌ زوممار.

سه‌رچاوه‌یه‌ك له‌ هێزه‌كانی پێشمه‌رگه‌ له‌ زوممار، به‌ PUKmedia ی راگه‌یاند: هێزه‌كانی‌ پێشمه‌رگه‌ له‌ به‌ره‌به‌ریانی‌ ئه‌مڕۆ وه‌ هێرشیان ده‌ستپێكردوه‌ بۆ سه‌ر مۆڵگه‌كانی‌ تیرۆرستان له‌گوندی‌ مه‌حمودیه‌ی سه‌ر به‌ ناحیه‌ی‌ زوممارو به‌و هۆیه‌شه‌وه‌ هێزه‌كانی پێشمه‌رگه‌ توانییان چه‌ند گوندێك كۆنترۆڵ بكه‌نه‌وه‌.

سه‌رچاوه‌كه‌ وتیشی‌: له‌ئه‌نجامی ئه‌و هێرشانه‌دا‌ پێشمه‌رگه‌ توانی چیای‌ به‌تانه‌ كۆنتڕۆڵ بكه‌نه‌وه‌ كه‌ شوێنێكی‌ ستراتیجییه‌ له‌ ناوچه‌ی‌ زوممار و ره‌بیعه‌ و ده‌ڕوانێت به‌سه‌ر زومماردا.

له‌ئێستادا هێزه‌كانی پێشمه‌رگه‌ ته‌نها دوو كیلۆمه‌تریان ماوه‌ بگه‌نه‌ ناو ناحیه‌ی‌ زوممار و هێزه‌كانی پێشمه‌رگه‌ش له‌ پێشڕه‌ویدان و چاوه‌ڕوان ده‌كرێت له‌ماوه‌یه‌كی نزیكدا ناحیه‌ی زوممار بكه‌ێته‌وه‌ ده‌ست هێزه‌كان پێشمه‌رگه‌.

PUKmedia تایبه‌ت