یهكێتی و پارتی: پابهندی پرهنسیپه نیشتمانیهكان دهبین
kurdistani 08:48 PM - 2014-08-22لهبارهی كاری راگهیاندنهوه یهكێتی و پارتی كۆبونهوه
مهكتهبی راگهیاندنی یهكێتیی نیشتمانیی كوردستان و دهزگای رۆشنبیری و راگهیاندنی پارتی دیموكراتی كوردستان، پێكهوه كۆبونهوهیهكیان ئهنجامداو رایانگهیاند هیچ لایهكمان رێگه نادهین راگهیاندن پرهنسیپهكانی پێكهوه ژیانمان لهكهدار بكات.
ناوهڕۆكی كۆبونهوهكه...
بۆ تاوتۆكردنی پرسی راگهیاندن لهم قۆناغهدا، كه وهرچهرخانێكی ههستیاره له مێژووی بزاڤی رزگاریخوازی گهلی كوردستان و ئهزموونی دیموكراسی و مهدهنیهت و پرهنسیپهكانی پێكهوه ژیان و گهشهكردنی كۆمهڵایهتی و ئابوری و كهوتوونهته بهر ههڕهشهی تیرۆرستانی داعش، مهكتهبی راگهیاندنی یهكێتیی نیشتمانیی كوردستان و دهزگای رۆشنبیری و راگهیاندنی پارتی دیموكراتی كوردستان، به سهرپهرشتی (ئهرسهلان بایز و مهحمود محهمهد) كۆبوونهوه و گفتوگۆیان لهبارهی ئهو تهوهرانهوهكرد، كه دهشێ بابهت بن بۆ بارگرژی راگهیاندن، كه دهرهنجامهكهی زیانگهیاندنه به هاو وتاری و یهكڕیزی گهلهكهمان لهپشتهوهی سهنگهرهكانی پێشمهرگه قارهمانهكانی كوردستان، كه داكۆكی دلێرانه له گهلهكهمان و بهها و دهستكهوتهكانی و ههموو نهتهوه و پێكهاته ئایینیهكان و ژمارهیهكی زۆر لهئاوارهو ههموو ئهوانه دهكات كه لهدهستی دڕندهیی داعش رایانكردووهو هانایان بۆ ههرێمی كوردستان هێناوه، هاوكات پێشمهرگه دلێرهكانی كوردستان له پێشڕهویدان بۆ تێكشكاندنی هێزی شهمشهمه كوێرهكانی جههالهت.
مهكتهبی راگهیاندنی یهكێتیی نیشتمانیی كوردستان و دهزگای رۆشنبیری و راگهیاندنی پارتی دیموكراتی كوردستان پابهندی خۆیان به پرهنسیپه نیشتمانیهكان و بهها مهدهنی و بنهماكانی پێكهوهژیان و پێشكهوتنی كوردستان دووپاتكردهوه و ههر چ گوتارێكیش كه زیان بهو بنهمایانه دهگهیهنێت رهتیدهكهنهوه و رێگه نادهن ببێته بابهتی بڵاوكردنهوه و بهدواداچوونی میدیایی.
ههردوولا ئهم قۆناغه به ههستیاری خۆیهوه درك دهكهن و دهیكهنه بنهما بۆ كارهكانی راگهیاندن كه كهمترین دیاری و پشتیوانیه بۆ گهلهكهمان و پێشمهرگه نهبهردهكانی كوردستان و گۆرزێكیشه له داعش و نهیارانی گهلهكهمان دهسرهوێنرێ. ههروهها كۆبوونهوه بڕیاریدا لیژنهیهكی هاوبهش پێكبهێنرێت بۆ داڕشتنی پلانهكانی كاری هاوبهش و پێكهوهیی لهههموو بوارهكاندا كه وهكو پڕۆژهیهكی میدیایی دهخرێته بهردهستی پارتی و یهكێتی بۆ پهسهندكردنی.
مهكتهبی راگهیاندنی یهكێتیی نیشتمانیی كوردستان
دهزگای رۆشنبیری و راگهیاندنی پارتی دیموكراتی كوردستان
22 ی ئابی 2014
هەواڵی زیاتر
-
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
04:57 PM - 2024-04-25 -
وەسفییە... ماندوویەکی رووخۆش
12:25 PM - 2024-04-25 -
راپۆرتێكی دیكهی نێودهوڵهتی لهسهر خراپی ئازادی لهههرێم بڵاودهكرێتهوه
10:33 AM - 2024-04-25 -
نوسینگەی مەکتەبی سیاسی لەبەغدا کرایەوە
08:08 PM - 2024-04-24
ئەمانەش ببینە
لە هەولێر و بەغدا زۆرترین پێشێلکاری بەرامبەر رۆژنامەنووسان ئەنجامدراوە
05:13 PM - 2024-04-24
پەیامی یەکێتی دەگەیەنرێتە بەرەی تورکمانی
05:01 PM - 2024-04-24
ئهمریكا: ئازادی رۆژنامهنوسی و مافی مرۆڤ لهههرێم خراپتر بووه
12:30 PM - 2024-04-24
وەفدێکی حکومیی عیراق بەشداری ساڵیادی بۆردومانی قەڵادزێ دەکات
10:14 AM - 2024-04-24
زۆرترین خوێنراو
-
شاڵاو کۆسرەت رەسوڵ لە هەولێر بەشداری ژمارەیەک پرسە دەکات
پرسەنامە 09:17 PM - 2024-04-24 -
نوسینگەی مەکتەبی سیاسی لەبەغدا کرایەوە
کوردستان 08:08 PM - 2024-04-24 -
شاڵاو کۆسرەت رەسوڵ: یەکێتی ئامادەیە بۆ هەڵبژاردن
کوردستان 07:39 PM - 2024-04-24 -
ئاسایشی ههولێر گهنجێك دهكوژێت و بنهماڵهكهی داوای روونكردنهوه دهكهن
کوردستان 06:05 PM - 2024-04-24 -
پرسەنامەی قوباد تاڵەبانی بۆ خانەوادەی شەیدا سەید شۆڕش
پرسەنامە 05:37 PM - 2024-04-24 -
لە هەولێر و بەغدا زۆرترین پێشێلکاری بەرامبەر رۆژنامەنووسان ئەنجامدراوە
کوردستان 05:13 PM - 2024-04-24 -
سوپاسنامەیەک لە بنەماڵەی عەلی شامار و وەسفیە بەنی وەیس-ەوە
ی ن ک 05:11 PM - 2024-04-24 -
پەیامی یەکێتی دەگەیەنرێتە بەرەی تورکمانی
کوردستان 05:01 PM - 2024-04-24