جه‌له‌ولا.. داعش هه‌واڵی شكاندنی چه‌كداره‌كانی راگه‌یاند

هێزه‌كانی پێشمه‌رگه‌ له‌ئێستادا گه‌مارۆی ناحیه‌ی جه‌له‌ولایان داوه‌

گروپی تیرۆرستی داعش كوژرانی 50 چه‌كدرانی له‌ناحییه‌ی جه‌له‌ولا راگه‌یاند.
 
گروپی تیرۆرستی داعش به‌یانی ئه‌مرِۆ 22-8-2014  له‌ئه‌كاونتی تایبه‌تی خۆی له‌تۆرِی كۆمه‌ڵایه‌تی تویته‌ر كوژرانی (50) چه‌كداری خۆی له‌ناحییه‌ی جه‌له‌ولا راگه‌یاند.

گروپی تیرۆرستی داعش ئه‌وه‌شی راگه‌یاندووه‌، هێزه‌كانی پێشمه‌رگه‌ له‌ئێستادا گه‌مارۆی ناحیه‌ی جه‌له‌ولایان داوه‌.

بڵاوكردنه‌وه‌ی ئه‌و هه‌واڵه‌ له‌كاتێكدایه‌ به‌یانی ئه‌مرِۆ هێزه‌كانی پێشمه‌رگه‌ی كوردستان ده‌ستیان به‌هێرش كرد، بۆ سه‌ر ناحیه‌ی سه‌عدییه‌و جه‌له‌ولاو به‌پێی زانیارییه‌كانيش، نیوه‌رِۆی ئه‌مرِۆ پێشمه‌رگه‌ گوندی حوسێینیه‌ و سه‌یدجه‌باریان له‌ جه‌له‌ولا كۆنترۆڵكردووه‌و له‌ئێستادا له‌پێشرِه‌ویدان به‌ره‌و له‌و ناحیه‌ی جه‌له‌ولا.

PUKmedia