سالار و عه‌تا گۆرانی بۆ پێشمه‌رگه‌ ده‌ڵێن

له‌ ئایینده‌یه‌كی نزیكدا بڵاوده‌بێته‌وه‌

بۆ پشتگیریكردن له‌ هێزه‌كانی پێشمه‌رگه‌ی كوردستان كه‌ ماوه‌یه‌كه‌ به‌رامبه‌ر گروپی تیرۆیستی داعش ده‌جه‌نگن، هه‌ردوو هونه‌رمه‌ند عه‌تا ئه‌حمه‌دو سالا مه‌حمود گۆرانیه‌ك پێشكه‌شده‌كه‌ن، ئه‌مه‌ش دوای ئه‌وه‌ دێت كه‌ بۆ نواندنی وه‌فا به‌رامبه‌ر پێشمه‌رگه‌ چه‌ندین هونه‌رمه‌ندی تر به‌ سرودو گۆرانییه‌كانیان پشتگیریان له‌ گیان له‌سه‌رده‌ستدانی وڵات كرد.

ئه‌م سروده‌ نوێیه‌ی هه‌ردوو هونه‌رمه‌ند له‌ به‌ره‌كانی جه‌نگ كاری ڤیدیۆ كلیپه‌كه‌ی بۆ كراوه‌و ئاوازو هۆنراوه‌ی عه‌تا ئه‌حمه‌ده‌و كاری وێنه‌گرتنی له‌لایه‌ن كه‌ناڵی ئاسمانی كوردساته‌وه‌ بۆ كراوه‌، هه‌روه‌ها سه‌رجه‌م كاره‌ هونه‌رییه‌كانی ته‌واوبووه‌و له‌ ئایینده‌یه‌كی نزیكدا بڵاوده‌بێته‌وه‌و ده‌كه‌وێته‌ به‌ردیدی بینه‌ران.

PUKmedia ئاری مسته‌فا