riklam

چه‌مچه‌ماڵ.. له‌سێ رۆژی جه‌ژندا 70 حاڵه‌تی برینداربوون تۆماركراوه‌

kurdistani 11:10 AM - 2014-07-31
لایه‌نی تاوان لێكراوه‌كه‌ ئاماده‌نه‌بوون سكاڵا تۆمار بكه‌ن

لایه‌نی تاوان لێكراوه‌كه‌ ئاماده‌نه‌بوون سكاڵا تۆمار بكه‌ن

به‌پێی ئامارێكی به‌شی راگه‌یاندنی به‌ڕێوه‌به‌رایه‌تی ته‌ندروستی چه‌مچه‌ماڵ له‌ماوه‌ی سێ رۆژی جه‌ژنی ره‌مه‌زانی پیرۆزدا 70 حه‌ڵه‌تی برینداربوون تۆماركراوه‌ .

به‌شی راگه‌یاندنی به‌ڕێوه‌به‌رایه‌تی ته‌ندروستی چه‌مچه‌ماڵ له‌ئامارێكدا ئاماژه‌ بۆ ئه‌وه‌ ده‌كراوه‌، كه‌ سێ رۆژی جه‌ژندا 70 حاڵه‌تی برینداربوون تۆماركراوه‌، حاڵه‌تی برینداربوونه‌كانیش به‌م شێوه‌یه‌ بوون، 10 حاڵه‌تیان به‌فیشه‌ك بووه‌ و 10 حاڵه‌تی تریان به‌هۆی رووداوی هاتوچۆوه‌ بووه‌ 50 حاڵه‌ته‌كه‌ی تریشیان رووداوی جۆراو جۆری سوك بوون .
هه‌ر به‌پێی ئاماركه‌ له‌ماوه‌ی سێ رۆژی جه‌ژندا 1950 نه‌خۆش سه‌ردانی نه‌خۆشخانه‌و بنكه‌ ته‌ندروستیه‌كانی سنووره‌كه‌یان كردوه‌.

هه‌روه‌ها، له‌سێ رۆژی جه‌ژندا له‌ چه‌مچه‌ماڵ 29 مناڵ له‌دایكبوون،  كه‌ 20 مناڵیان له‌ره‌گه‌زی نێرن و 9 مناڵه‌كه‌ی تریشیان له‌ ره‌گه‌زی مێن.

لای خۆیشه‌وه‌ ئامانج محه‌مه‌د قائیمقامی چه‌مچه‌ماڵ له‌رێگه‌ی PUKmedia وه‌ ده‌ستخۆشی له‌تیمه‌كانی نه‌خۆشخانه‌و بنكه‌ ته‌ندروستیه‌كانی سنووری چه‌مچه‌ماڵ كرد، كه‌له‌ماوه‌ی سێ رۆژی جه‌ژنی ره‌مه‌زاندا به‌به‌رده‌وامی و به‌بێ گوێدان به‌ماندوبوون له‌حزمه‌تی هاوڵاتیاندابوون .

قائیمقامی چه‌مچه‌ماڵ له‌سه‌ر رووداوه‌ ئه‌منییه‌كانیش له‌سنووره‌كه‌دا وتی: ئه‌وه‌ی جێگای سه‌ر سوڕمانه‌ ئه‌وه‌یه‌ كاتێكدا كه‌سێك بریندار ده‌كرێت به‌هۆی شه‌ڕكردنه‌وه‌ بێت یان هه‌ر هۆكارێكی تره‌وه‌ بێت، كه‌سه‌ برینداره‌كه‌ سكاڵا له‌دژی تۆمه‌تباره‌كه‌ تۆمار ناكات، بۆنمونه‌ له‌ سێ رۆژی جه‌ژندا دوو حاڵه‌تی شه‌ڕه‌ ته‌قه‌ له‌ چه‌مچه‌ماڵ روویانداوه‌و به‌هۆی ئه‌و دوو حاڵه‌ته‌وه‌ دوو كه‌س برینداربوون، له‌كاتێكدا هێزه‌ ئه‌منییه‌كان كۆتایان به‌ شه‌ڕه‌كه‌ هێناوه‌ لایه‌نی تاوان لێكراوه‌كه‌ ئاماده‌نه‌بوون سكاڵا تۆمار بكه‌ن.


PUKmedia هه‌ردی ئه‌بوبه‌كر/ چه‌مچه‌ماڵ

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket