لیژنه‌ی بینینی مانگ: له‌هه‌رێمی كوردستان سبه‌نێ یه‌كه‌م رۆژی جه‌ژنه‌

رۆژی دوو شه‌ممه‌ی وه‌ك یه‌كه‌م رۆژی جه‌ژنی ره‌مه‌زانی پیرۆزه‌

لیژنه‌ی بینی مانگ رۆژی دوو شه‌ممه‌، به‌رواری 28-7-2014 ی وه‌ك یه‌كه‌م رۆژی جه‌ژن دیاركرد.

كه‌مێك پێش ئێستا لیژنه‌ی بینی مانگ له‌وه‌زاره‌تی ئه‌وقاف و كاروباری ئاینی حكومه‌تی هه‌رێمی كوردستان، رۆژی دوو شه‌ممه‌ی وه‌ك یه‌كه‌م رۆژی جه‌ژنی ره‌مه‌زانی پیرۆز له‌هه‌رێمی كوردستان دیاركرد.

جێگای ئاماژه‌یه‌ ره‌مه‌زانی ئه‌مساڵ بریتی بوو له‌ 29 رۆژ، وه‌ك شاره‌زایانیش ئاماژه‌ی بۆ ده‌كه‌ن، نابێت دوو مانگی عه‌ره‌بی له‌سه‌ر یه‌ك 30 رۆژ بێت واته‌، مانگی پێشوو بریتیی بووه‌ له‌ 30 رۆژ بۆيه‌ ناكرێت ئه‌م مانگه‌ش 30 رۆژ بێت.

PUKmedia تایبه‌ت