جه‌له‌ولا.. پێشمه‌رگه‌ چه‌ند هێرشێكی داعش شكستپێده‌هێنێت

ئامانجی داعش له‌و هێرشانه‌ مه‌شغوڵكردنی پێشمه‌رگه‌ بووه‌

شه‌وی رابردوو 26-7-2014 هێزه‌كانی پێشمه‌رگه‌ی كوردستان له‌ ناحیه‌ی جه‌له‌لا چه‌ند هێرشێكی چه‌كدارانی گروپی تیرۆریستی داعش-یان  شكستپێهێناو سه‌رچاوه‌یه‌كیش رایده‌گه‌یه‌نێت مه‌به‌ستی داعش له‌و هێرشانه‌ مه‌شغوڵكردنی هێزه‌كانی پێشمه‌رگه‌بووه‌.

سه‌رچاوه‌یه‌ك له‌ هێزه‌كانی پشتیوانی 2ی پێشمه‌رگه‌ به‌ PUKmedia ی راگه‌یاند: شه‌وی رابردوو تیرۆریستانی داعش له‌ هه‌ردوو گه‌ڕه‌كی ته‌جنید و وه‌حده‌ی جه‌له‌ولا سێ جار په‌لاماری هێزه‌كانی پێشمه‌رگه‌یاندا، به‌ڵام له‌لایه‌ن هێزه‌كانی پێشمه‌رگه‌ی كوردستانه‌وه‌ به‌توندی وه‌ڵامدرانه‌وه‌ ئه‌و هێرشانه‌ تێكشكێندران.

ئه‌و سه‌رچاوه‌یه‌ وتیشی: به‌پێی ئه‌و زانیارییانه‌ی كه‌ ده‌ستمان كه‌وتووه‌  مه‌به‌ستی داعش له‌ ئه‌نجامدانی ئه‌و هێرشانه‌ مه‌شغوڵكردنی هێزه‌كانی پێشمه‌رگه‌بووه‌ بۆ ئه‌وه‌ی بتوانن له‌ سه‌ر روباری سیروان و له‌ ناوچه‌كانی تبج و مرورو مه‌رجان چه‌ند پردێك دروستبكه‌ن و له‌رێی ئه‌و پردانه‌وه‌ رێگای هاتووچۆ بۆخۆیان دروستبكه‌ن، به‌ڵام له‌لایه‌ن هێزه‌كانی تۆبخانه‌ی سه‌ربه‌ هێزه‌كانی پشتیوانی 2 ی پێشمه‌رگه‌ بۆردومانی ئه‌و ناوچانه‌یان كردو شكستیان به‌و هه‌وڵه‌ی داعش هێنا.

PUKmedia هه‌ڵمه‌ت خانه‌قینی