له‌رۆژانی جه‌ژنیشدا چاودێری بازاڕه‌كانی سلێمانی ده‌كرێت

شه‌ش لیژنه‌ ده‌ستبه‌كارن

به‌هۆی قه‌رباڵغی بازاڕ به‌بۆنه‌ی جه‌ژنی ره‌مه‌زانی پیرۆزه‌وه‌، له‌ ئێستادا شه‌ش لیژنه‌ی، لیژنه‌ هاوبه‌شه‌كانی قائیمقامیه‌تی سلێمانی ده‌ستبه‌كارن.
سۆران غه‌فور سه‌رۆكی لیژنه‌ هاوبه‌شه‌كانی قائیمقامیه‌تی سلێمانی PUKmedia ی راگه‌یاند: له‌ ئێستادا شه‌ش لیژنه‌ ده‌ستبه‌كارن بۆ چاودێریكردنی نرخی كه‌ل و په‌ل و خوارده‌مه‌نیه‌كان، چونكه‌ به‌بۆنه‌ی جه‌ژنی ره‌مه‌زانی پیرۆزه‌وه‌ بازاڕه‌كان زۆر قه‌رباڵغه‌.
وتیشی: ئه‌و لیژنانه‌ چاودرێری خوارده‌مه‌نیه‌كان ده‌كه‌ن و هه‌روه‌ها هه‌ر خوارده‌مه‌نییه‌كی ماوه‌ به‌سه‌رچوو و قه‌ده‌غه‌كراو بفرۆشرێت ئه‌وه‌ خاوه‌ن دووكانه‌كه‌ روبه‌ڕوی سزای یاسایی ده‌بێته‌وه‌.
راشیگه‌یاند: ئه‌و لیژنانه‌ له‌ رۆژانی جه‌ژنیشدا ده‌ستبه‌كار ده‌بن.
به‌پێی به‌دواداچونێكی PUKmedia، له‌گه‌ل ئه‌وه‌ی بازاڕ زۆر قه‌رباڵغه‌ به‌ڵام به‌ به‌راورد له‌گه‌ڵ پێش جه‌ژنی ره‌مه‌زانی ساڵی رابردوو 50% فڕۆشتنی كه‌ل و په‌ل و شتومه‌ك، كه‌میكردووه‌ ئه‌ویش به‌هۆی ئه‌و قه‌یرانه‌ داراییه‌ی رووی له‌ هه‌رێمی كوردستان كردووه‌.

PUKmedia   سه‌فین ئه‌حمه‌د