دانیاڵ گه‌ر یاره‌كه‌ی بڵاوده‌كاته‌وه‌

ئاوازو تێكسته‌كه‌ی له‌لایه‌ن دانیاڵ خۆیه‌وه‌ دانراوه‌

هونه‌رمه‌ند دانیاڵ دوای ماوه‌یه‌ك له‌ بێده‌نگی و بڵاونه‌كردنه‌وه‌ی به‌رهه‌می نوێ دواجار له‌ جه‌ژندا به‌ ڤیدیۆ كلیپێكی نوێ-وه‌ جارێكی تر به‌ بینه‌رانی شاد ده‌بێته‌وه‌.

 سه‌باره‌ت به‌و كاره‌ تازه‌یه‌ی دانیاڵ هونه‌رمه‌ندی میوزیك ژه‌ن ئاریۆس حه‌مه‌د سه‌عید بۆ PUKmedia دواو وتی: گه‌ر یار گۆرانیه‌كی تازه‌ی هونه‌رمه‌ند دانیاڵه‌و ئاوازو تێكسته‌كه‌ی له‌لایه‌ن دانیاڵ خۆیه‌وه‌ دانراوه‌و له‌سه‌رداوای هونه‌رمه‌ند من كاری میوزیكم بۆ كردوه‌ وه‌ك كاره‌كانی پێشوتری خۆم له‌ سه‌ر ستایلی (house music) و به‌شێوازێكی زۆر مۆدێرن كارم تێداكردوه‌و هه‌وڵم داوه‌ میوزیكی كوردی تێكه‌ڵاوی میوزیكی ئه‌وروپی بكه‌م بۆ ئه‌وه‌ی جوانترین به‌رهه‌می لێدروستببێت.

وتیشی: كاری كلیپی ئه‌م به‌رهه‌مه‌ له‌وڵاتی جۆرجیا كراوه‌و له‌لایه‌ن پێشه‌وا نه‌به‌رد كاری ده‌رهێنانی بۆ كراوه‌، دڵنیام شتێكی جیاوازمان كردوه‌، به‌ بینینی به‌رهه‌مه‌كه‌ش ئه‌وه‌ بۆ هه‌موو لایه‌ك روون ده‌بێته‌وه‌.

PUKmedia ئاری مسته‌فا