نوێكراوه‌ته‌وه‌.. دوو ته‌قینه‌وه له‌كه‌ركوك 4 شه‌هیدو 12 برینداری لێكه‌وته‌وه‌

ته‌قینه‌وه‌كانی شاری كه‌ركوك حسێنییه‌كانی كردبووه‌ ئامانج

 له‌ دوو ته‌قینه‌وه‌ی جیادا كه‌ دوو حسێنیه‌ی له‌شاری كه‌ركوك كردبووه‌ ئامانج، 4 هاووڵاتی شه‌هیدبوون و 12 هاووڵاتی تریش برینداربوون.

سه‌رچاوه‌یه‌ك له‌ پۆلیسی كه‌ركوك به‌ PUKmedia ی راگه‌یاند: دوانیوه‌ڕۆی ئه‌مڕۆ 25-7-2014 له‌ دوای نوێژی هه‌ینی له‌ئه‌نجامی ته‌قینه‌وه‌ی ئۆتۆمبێلێكی بۆمبرێژكراو له‌ ناو پاركی حسێنیه‌ی مسته‌فا له‌شاری كه‌ركوك 4 هاووڵاتی شه‌هیدبوون و 8 هاووڵاتی تریش برینداربوون.

 سه‌رچاوه‌كه‌ وتیشی: هه‌ر ئه‌مڕۆ دوای نوێژی هه‌ینی بۆمبێكی چێندراو له‌نزیك حسێنیه‌ی گه‌ڕه‌كی عه‌ره‌ف له‌ كه‌ركوك ته‌قییه‌وه‌و له‌ ئه‌نجامدا 4 هاووڵاتی بریندار بوو.

جێگای ئاماژه‌یه‌، ته‌قینه‌وه‌كانی ئه‌مڕۆی شاری كه‌ركوك حسێنییه‌كانی ئه‌و شاره‌ی كردبووه‌ ئامانج.

PUKmedia سیروان كه‌ركوكی