چه‌مچه‌ماڵ.. خوێندكاره‌ یه‌كه‌مه‌كان خه‌ڵاتده‌كرێن

خه‌ڵاتی رێزلێنان به‌خشرایه‌ خوێندكاره‌ یه‌كه‌مه‌كان

ئه‌مڕۆ 24-7-2014 له‌ مه‌راسمێكدا به‌ ئاماده‌بوونی قائیمقامی چه‌مچه‌ماڵ و به‌ڕێوه‌به‌ری په‌روه‌رده‌، له‌ قه‌زای چه‌مچه‌ماڵ خه‌ڵاتی رێزلێنان به‌خشرایه‌ خوێندكاره‌ یه‌كه‌مه‌كانی سنوره‌كه‌.

سه‌رتای مه‌راسیمه‌كه‌ ئامانج محه‌مه‌د قائیمقامی چه‌مچه‌ماڵ وته‌یه‌كی پێشكه‌شكردو تیایدا ده‌ستخۆشی له‌و خوێندكارانه‌ كرد كه‌ توانویانه‌ له‌ قۆناغی دوانزه‌ی ئاماده‌یی له‌ ریزی پله‌ یه‌كه‌مه‌كانی كوردستاندا بن.
 قائیمقامی چه‌مچه‌ماڵ سه‌ركه‌وتنی خوێندكاره‌كانی ناوچه‌كه‌ی گه‌ڕانده‌وه‌ بۆ هه‌وڵ و ماندوبوونی مامۆستایان، دووباره‌ سوپاسی مامۆستایانیشی كرد بۆ ئه‌و خزمه‌ته‌ی كه‌ پێشكه‌شیان كردووه‌.

له‌ به‌شێكی تری مه‌راسیمه‌كه‌دا، خه‌ڵاتی رێزلێنانی قائیمقامیه‌ت به‌خشرایه‌ ئه‌و خوێندكارانه‌ی پله‌ی یه‌كه‌مییان به‌ده‌ستهێناوه‌.

PUKmedia هه‌ردی ئه‌بوبه‌كر