تاوانبارێكی مادده‌ی هۆشبه‌ر سزا ده‌درێت

سزای سێ ساڵ زیندانی به‌سه‌ردا درا

ئه‌مڕۆ 22-7-2014 له‌ لایه‌ن دادگای تاوانه‌كانی كه‌ركووك-گه‌رمیان به‌ پێی مادده‌ی  14 بڕگه‌ی 2، بڕیاری سێ ساڵ سزای زیندانی بۆ تاوانبارێكی مادده‌ هۆشبه‌ر ده‌ركرا.

عوسمان عه‌بدولكه‌ریم به‌رپرسی راگه‌یاندن و په‌یوه‌ندیه‌كانی ئاسایشی گه‌رمیان به‌ PUKmedia ی راگه‌یاند: دوای‌ ئه‌وه‌ی له‌ لایه‌ن هێزه‌كانی یاریده‌ده‌رێتی ئاسایشی كه‌لاری سه‌ر به‌ڕێوه‌به‌رایه‌تی ئاسایشی گه‌رمیانه‌وه‌ تاوانبارێك به‌ ناوی (ح ق ع) له‌ سنووری قه‌زای كه‌لار به‌ تۆمه‌تی به‌كارهێنانی مادده‌ی هۆشبه‌ر ده‌ستگیركرا، دۆسێكه‌ی‌ خرایه‌ به‌رده‌م دادوه‌ر.

وتیشی:  دوای‌ چه‌ندین دانیشتنی دادگا و خستنه‌ڕووی ته‌واوی به‌ڵگه‌كان و دانپیادانانی تاوانباری ناوبراو، سه‌ره‌نجام رۆژی 20-7-2014،  له‌ لایه‌ن دادگای تاوانه‌كانی كه‌ركووك/گه‌رمیان به‌ پێی مادده‌ی 14 بڕگه‌ی 2 بڕیاری سێ ساڵ سزای زیندانی بۆ تاوانباره‌كه‌ ده‌ركرا.

رونشیكرده‌وه‌: دواتر به‌مه‌به‌ستی به‌سه‌ربردنی ماوه‌ی سزاكه‌ی ره‌وانه‌ی به‌رێوه‌به‌رایه‌تی چاكسازی گه‌ورانی سلێمانی كراوه‌.

PUKmedia سامان یاروه‌یس