لێكۆڵینه‌وه‌كان له‌ كه‌یسی بدێوی كۆتایی دێت

لێكۆڵینه‌كان كۆتاییان هاتووه‌

وته‌بێژی ره‌سمی ئه‌نجومه‌نی باڵای دادوه‌ری عیراق رایگه‌یاند: كه‌ دادگای ناوه‌ندی رۆژی 23 ی ئه‌م مانگه‌ی وه‌ك دواین واده‌ی دیاریكردوه‌ بۆ ته‌واوكردنی لێكۆڵینه‌وه‌كان له‌ كه‌یسی محه‌مه‌د بدێوی رۆژنامه‌نووس.

 عه‌بدولستار بریقدار وته‌بێژی ره‌سمی ئه‌نجومه‌نی باڵای دادوه‌ری عیراق له‌ كۆنگره‌یه‌كی رۆژنامه‌وانیدا ئه‌مڕۆ 21-7-2014، رایگه‌یاند: دادگای تاوانه‌كانی ناوه‌ندی 23 ئه‌م مانگه‌ لێكۆڵینه‌وه‌كانی له‌ كه‌یسی كوشتنی محه‌مه‌د بدێوی ته‌واو ده‌كات، دوای ئه‌وه‌ی به‌هۆی ته‌واو نه‌بوونی لێكۆڵینه‌كان دادگایكردنی ئه‌و كه‌یسه‌ ماوه‌یه‌ك دواخرا.

ده‌سه‌ڵاتی دادوه‌ری عیراق رایگه‌یاند: لێكۆڵینه‌وه‌كان له‌ كه‌یسی كوشتنی محه‌مه‌د بدێوی كۆتایی پێهاتووه‌و جه‌ختیشیكرده‌وه‌، كه‌یسی تۆمه‌تبار به‌ مادده‌ی 406 ی یاسای سزادانی عیراقی كه‌یسه‌كه‌ی ره‌وانه‌ی دادگای تاوانه‌كانی ناوه‌ندی كراوه‌.

    
PUKmedia