فه‌ره‌نسا.. فێستیڤاڵی نه‌ته‌وه‌ بێ ده‌وڵه‌ته‌كان به‌ڕێوه‌چوو

بۆ زیاتر ناساندنی دۆزی كورد به‌ میلله‌تانی جیهان

‌له‌ چوارچێوه‌ی درێژه‌دان به‌ كارو چالاكیه‌كانی سه‌نته‌ری فه‌ره‌نسی- كوردی بۆ زانست و كلتوور له‌ پاریس (KESCC Paris) وه‌ بۆ زیاتر ناساندنی دۆزی كورد به‌ میلله‌تانی جیهان رۆژانی هه‌ینی و شه‌ممه‌27 و 28 حوزه‌یرانی 2014 سه‌نته‌ری (KESCC) به‌شداریكرد له‌ فێستیڤاڵی باسك بۆ نه‌ته‌وه‌ بێ ده‌وڵه‌ته‌كان له‌ شاری بایون له‌ باشوری رۆژئاوای فه‌ره‌نسا.

‌ئه‌و فێستیڤاڵه‌ چه‌ندین چالاكی جۆراوجۆری له‌ خۆگرت تێیدا میوزیك و نمایشكرنی فلكلۆری.
 به‌رنامه‌ی دێبای ئه‌مساڵ دوو ته‌وه‌ری له‌ خۆ گرتبوو: 

‌یه‌كه‌میان/ خه‌بات و رۆڵی ژنان لای میلله‌تانی بێ ده‌وڵه‌ت، ژنانی كوردستان و ژنانی كابیل (ئه‌مازیغ) وه‌ك نموونه‌.

‌دووه‌میان/ ژیانی میلله‌ته‌ چه‌وساوه‌كان و كۆلۆنیالیزم

‌له‌ هه‌ردوو ته‌وه‌ره‌كه‌دا خوێندكاری دكتۆرا له‌ سۆسیۆلۆجیا مه‌سعود شه‌ریفی به‌ ناوی (KESCC ) باسێكی تێروته‌سه‌لی پێشكه‌شكرد كه‌ به‌شێكه‌ له‌ تێزی دكتۆراكه‌ی.
 له‌ باسه‌كه‌یدا ناوبراو تیشكی خسته‌ سه‌ر رۆڵ و خه‌باتی ژنان و كۆمه‌ڵانی خه‌ڵكی كوردستان له‌ هه‌ر چوار پارچه‌ی كوردستان بۆ ئازادی و ماڤی چاره‌ی خۆنوسین.

‌شایه‌نی باسه‌ بڕیاربوو وه‌فدێكی گه‌وره‌ی هه‌رێمی كوردستان به‌شداری ئه‌و فێستیڤاڵه‌ بكات، به‌ڵام به‌هۆی سازدانی چه‌ند چالاكیه‌كی سیاسی دیپلۆماسی و كلتوری و سه‌ردانه‌كه‌ی مه‌لا به‌ختیار بۆ پاریس له‌ هه‌مانكاتدا نه‌توانرا ئه‌و به‌شداریه‌ له‌و فێستیڤاڵه‌ گرنگه‌ به‌و جۆره‌بێت كه‌ به‌رنامه‌ی بۆ دانرابوو.


PUKmedia پاریس