فرۆكه‌یه‌كی مالیزی به‌ 300 سه‌رنشینه‌وه‌ ده‌كه‌وێته‌خواره‌وه‌

15 كه‌سیان له‌ ستافی فرۆكه‌كه‌ن

فرۆكه‌یه‌كی نه‌فه‌ر هه‌ڵگری مالیزی به‌ 300 سه‌رنشینه‌وه‌ له‌ رۆژهه‌ڵاتی ئۆكرانیا كه‌وته‌ خواره‌وه‌.

راوێژكارێك له‌وه‌زاره‌تی ناوخۆی ئۆكرانیا دوێنێ 17-7-2014، كه‌وتنه‌خواره‌وه‌ی فرۆكه‌یه‌كی نه‌فه‌ر هه‌ڵگری هێڵی ئاسمانی مالیزی له‌ رۆژهه‌ڵاتی ئۆكرانیا به‌ 300 سه‌رنشینه‌وه‌ راگه‌یاند.

ئه‌نتون جیراشیشنكۆ راوێژكاری وه‌زاره‌تی ناوخۆی ئۆكرانیا راشیگه‌یاند: به‌هۆی كه‌وتنه‌ خواره‌وه‌ی ئه‌و فرۆكه‌ نه‌فه‌رهه‌ڵگره‌ مالیزیه‌وه‌ 280 سه‌رنشین گیانیان له‌ده‌ستداوه‌ كه‌ 15 سه‌رنشینیان له‌ ستافی فرۆكه‌كه‌ن.

ئاشكراشیكرد، كه‌ فرۆكه‌ مالیزییه‌كه‌ له‌ جۆری بیونگ 777 و له‌ گه‌شتێكیدابووه‌ له‌ ئه‌مستردامی پایته‌ختی هۆڵنداوه‌ بۆ كوالامپوری مالیزیا.

PUKmedia ئاژانسه‌كان