زانكۆیه‌ك له‌ ئه‌ڵمانیا ماڵپه‌ڕێكی تایبه‌ت به‌كاره‌كانیان له‌ هه‌ڵه‌بجه‌ ده‌كه‌نه‌وه‌

بۆ پشكنین هه‌موو ساڵێك چه‌ند جارێك سه‌ردانی گردی كراوا ده‌كه‌ن

به‌ڕێوه‌به‌ری مۆزه‌خانه‌ی سلێمانی رایده‌گه‌یه‌نێت، له‌ دوای ئه‌وه‌ی كه‌ تیمێكی زانكۆی هایدلبێرگی ئه‌ڵمانی چه‌ند جارێك بۆ پشكنین هاتبوونه‌ گردی كراوا له‌ هه‌ڵه‌بجه‌ له‌ ئێستادا ماڵپه‌ڕێكیان بۆ خسته‌ڕووی كاره‌كانیان له‌و ناوچه‌یه‌ كردۆته‌وه‌.

هاشم حه‌مه‌ عه‌بدوڵڵا به‌ڕێوه‌به‌ری مۆزه‌خانه‌ی سلێمانی به‌ PUKmedia  ی راگه‌یاند:  له‌ دوای ئه‌وه‌ی كه‌ تیمێكی زانكۆی هایدلبێرگی ئه‌ڵمانی چه‌ند جارێك بۆ پشكنین هاتبوونه‌ گردی كراوا له‌نزیك هه‌ڵه‌بجه‌ له‌ئێستادا ئه‌و زانكۆیه‌ ماڵپه‌ڕێكیان بۆ خسته‌ڕووی كاره‌كانیان له‌و ناوچه‌یه‌ كردۆته‌وه‌.

 وتیشی: كار كردنی ئه‌و تیمه‌ له‌ كۆتاییدایه‌و هه‌موو ساڵێك چه‌ند جارێك تیمی تایبه‌تی ئه‌و زانكۆیه‌ سه‌ردانی گردی كراوا له‌نزیك هه‌ڵه‌بجه‌ ده‌كه‌ن بۆ مه‌به‌ستی پشكنین و كنه‌ی ئه‌و ناوچه‌یه‌.

هه‌روه‌ها ئه‌و ماڵپه‌ڕه‌ چه‌ند كارێكی تری ئه‌و تیمه‌ی تێدایه‌ كه‌ له‌ رابردوودا له‌ گردی ئاشوور له‌نزیك موسڵ كردویانه‌.

PUKmedia دیار ستار