ته‌قته‌ق.. به‌‌ردی بناغه‌‌ی بنكه‌‌یه‌‌كی ته‌‌ندروستی دانرا

كێشه‌ی كه‌می پزیشك چاره‌سه‌ركراوه‌

له‌رێوره‌سمێكدا وه‌‌زیری ته‌‌ندروستی له‌‌ناحیه‌‌یی ته‌‌ق ته‌‌ق به‌‌ردی بناغه‌‌ی بنكه‌‌یه‌‌كی ته‌‌ندروستی دانا.

له‌‌چوارچێوه‌‌ی كاروپرۆژه‌‌كانی وه‌‌زاره‌‌تی ته‌‌ندروستی بۆ زیاتر خزمه‌‌ت كردنی هاووڵاتیان و باشتركردنی ره‌‌وشی ته‌‌ندروستی ئه‌‌مرۆ 24-4 له‌‌ناحیه‌‌ی ته‌‌ق ته‌‌ق د.رێكه‌‌وت حمه‌‌ره‌‌شید وه‌‌زیری ته‌‌ندروستی به‌‌یاوه‌‌ری به‌‌رێوه‌‌به‌‌ری گشتی ته‌‌ندروستی سلێمانی و كۆیه‌‌ و ژماره‌‌یه‌‌كی به‌‌رچاو له‌‌پیاوماقولانی شارۆچكه‌‌كه‌‌ به‌‌ردی بناغه‌‌ی بنكه‌‌یه‌‌كی ته‌‌ندروستی دانا كه‌‌به‌‌بری زیاتر له‌‌ ملیارێك و نیو دینار دروست ده‌‌كرێت.

له‌‌وته‌‌كه‌‌یه‌‌شدا به‌‌رێوه‌‌به‌‌ری ناحیه‌‌یی ته‌‌ق ته‌‌ق رۆڵ و كاره‌‌كانی وه‌‌زاره‌‌تی ته‌‌ندروستی به‌‌رزنرخاند له‌‌خزمه‌‌تكردنی دانیشتوانی هه‌‌رێمی كوردستان به‌‌ بێ جیاوازی وتیشی: كاروپرۆژه‌‌كانی به‌‌رێز وه‌‌زیری ته‌‌ندروستی به‌‌گرنگ وه‌‌سف ده‌‌كه‌‌ین كه‌‌له‌‌ماوه‌‌ی رابردوو سه‌‌ردانی ناحییه‌‌كه‌‌مانی كرد و به‌‌ڵێنی تێكدان و دوباره‌‌ دروستكردنه‌‌وه‌‌ی بنكه‌‌ته‌‌ندروستیه‌‌كه‌‌ی پێداین و ئه‌‌مرۆش به‌‌چاودێری به‌‌رێزیان به‌‌ردی بناغه‌‌ی ئه‌‌و بنكه‌‌یه‌‌ داده‌‌نرێت.

پاشان د.رێكه‌‌وت حمه‌‌ره‌‌شید وه‌‌زیری ته‌‌ندروستی تیشكی خسته‌‌سه‌‌ر ره‌‌وشی ته‌‌ندروستی هه‌‌رێم به‌‌تایبه‌‌ت سنوری كۆیه‌‌و ته‌‌ق ته‌‌ق وتیشی: له‌‌ماوه‌‌ی ده‌‌ست به‌‌كاربونمان نزیكه‌‌ی 100 پزیشكمان بۆ دامه‌‌زراندن به‌‌مه‌‌به‌‌ستی كه‌‌م كردنه‌‌وه‌‌ی كێشه‌‌ی ته‌‌ندروستی و كردنه‌‌وه‌‌ی ژماره‌‌یه‌‌ك له‌‌ بنكه‌‌ی ته‌‌ندروستی راوێژكاری 24 سه‌‌عاتی بۆ زیاتر به‌‌ده‌‌نگه‌‌وه‌هاتنی دانیشتوانی سنوره‌‌كه‌‌.

وه‌‌زیری ته‌‌ندروستی راشیگه‌‌یاند: به‌‌ته‌‌واوبونی ئه‌‌م بنكه‌‌ ته‌‌ندروستیه‌‌ تا راده‌‌یه‌‌ك كێشه‌‌ی ته‌‌ندروستی له‌‌ناحیه‌‌كه‌‌ چاره‌‌سه‌‌رده‌‌كات، به‌‌شێوه‌‌یه‌‌ك له‌‌ئێستادا ته‌‌واوی پزیشكی پسپۆری بۆ كۆیه‌‌و ته‌‌ق ته‌‌ق دابینكراوه‌‌.

وه‌‌زیری ته‌‌ندروستی له‌‌باره‌‌ی ره‌‌وشی ته‌‌ندروستی شارۆچكه‌‌ی كۆیه‌‌ وتی: دانیشتوانی كۆیه‌‌ و ته‌‌ق ته‌‌ق و ته‌‌واوی ناوچه‌ ‌جیاجیاكانی هه‌‌رێم شایه‌‌نی خزمه‌‌تی زۆری بواری ته‌‌ندروستی و سێكته‌‌ره‌‌ جیاجیاكانی ترن بۆ ئه‌‌وه‌‌ی له‌‌كاتی پێویست سودیان لێوه‌‌ربگرن.

 د.رێكه‌‌وت حمه‌‌ره‌‌شید راشیگه‌‌یاند: له‌‌ماوه‌‌ی رابردوو هه‌‌ولمًَانداوه‌‌ وه‌‌زاره‌‌تی ته‌‌ندروستی بكه‌‌ینه‌‌ وه‌‌زاره‌‌تی هاووڵاتیان له‌‌رێگه‌‌ی پزیشكان و كارمه‌‌ندانی ته‌‌ندروستی خزمه‌‌ت به‌‌هاوولڵاتیان بكه‌‌ن.

PUKmedia