یان ئەوەی كە ‌

.

* پێویستە هەموومان پارێزگاریی لەژینگە بكەین ئەگینا دنیا ئەبێت بە(زبڵخانە) یان ئەوەی كە پێی ئەڵێن ئێوارانی جادەی مەولەوی.

* خۆشترین عیلاقەی سیاسیی بریتییە لەپەیوەندی بەستن لەگەڵ دوژمنەكانی دوێنێدا، یان ئەوەی كە ئۆپۆزسیۆن پێی ئەوتن تاوانبارانی حەڤدەی شوبات.

* لەكاتی دەوامی رەسمیدا پێویستە پزیشكە پسپۆڕەكان ئیسراحەت بكەن لەشوێنێكی تایبەتدا، یان ئەوەی كە پێی ئەڵێن خەستەخانەی ئەهلی.

* لەسیاسەتدا پێویستە رەوشت‌و پرەنسیپ بخەیتە ژێر پێتەوە ئەگینا ئەبیتە قوربانییەكی گوناح، یان ئەوەی كە پێی ئەڵێن یەكێتیی نیشتمانیی كوردستان.

* گەلانی عیراق كە لەدەست رژێمی صەدام رزگاریان بوو قەرزاری ئەمریكان یان ئەوەی كە شاعیرانی قادسیە پێی ئەڵێن دوژمنی گەلان.

* سنوری نێوان باشورو خۆرهەڵات عیبارەتە لەباخچەیەك گوڵ و رێحانەی سروشتی، یان ئەوەی كە پەیەدە پێی ئەڵێ خەندەقەكەی پارتی.

* ئەگەر كاربەدەستانی هەرێم فریای وەزعەكە نەكەون، كوردستان ئەبێتە گەراجێكی بێ سەروبەر یان ئەوەی كە پێی ئەڵێن زانكۆی سلێمانی.

* ئەركی پەرلەمانتار بەرگریكردنە لەشوێنە گشتییەكان یان ئەوەی كە هەندێ پەرلەمانتار پێی ئەڵێن بارەگای لقی چوار.

د.شیركۆ عبدالله‌‌