وه‌فدێكی یه‌كێتی له‌گه‌ڵ سه‌رۆكی هه‌رێم كۆده‌بێته‌وه‌

بۆ پێكهێنانی حكومه‌تی بنكه‌ فراوان

سه‌رچاوه‌یه‌كی ئاگادار به‌ PUKmedia ی راگه‌یاند: كه‌ دوێنێ 22-4 وه‌فدێكی یه‌كێتیی نیشتمانیی كوردستان كه‌ پێكهاتبوو له‌ هه‌ڤاڵان به‌رهه‌م ساڵح و هێرۆ ئیراهیم ئه‌حمه‌د له‌گه‌ڵ مه‌سعود بارزانی سه‌رۆكی هه‌رێمی كوردستان كۆبوونه‌وه‌.

كۆبوونه‌وه‌كه‌ له‌ درێژه‌ی زنجیره‌ كۆبونه‌وه‌كانی یه‌كێتی بوو بۆ راوێژ له‌سه‌ر پرسی پێكهاتنی حكومه‌تی بنكه‌ فراوان له‌ كوردستان و هه‌ڵوێستوو چاوه‌ڕوانیه‌كانی یه‌كێتی بۆ پشكه‌كانی له‌ حكومه‌تی هه‌رێم به‌ گوێره‌ی پێگه‌و سه‌نگی یه‌كێتی، به‌ گوێره‌ی زانیارییه‌كانی PUKmedia بڕیاره‌ گفتوگۆو راوێژ له‌م باره‌یه‌وه‌ به‌رده‌وامبێت.

PUKmedia