فه‌لوجه‌.. چه‌ند په‌لامارێكی تیرۆریستی 11 شه‌هیدو برینداری لێده‌كه‌وێته‌وه‌

هێرشه‌كانی داعش له‌فه‌لوجه‌ به‌رده‌وامه‌

 ئه‌مڕۆ 22-4 كه‌وتنه‌خواره‌وه‌ی چه‌ند گولـله‌ هاوه‌نێك له‌ چه‌ند ناوچه‌یه‌یه‌كی قه‌زای فه‌لوجه‌، 11 شه‌هیدو برینداری لێكه‌وته‌وه‌.

سه‌رچاوه‌یه‌كی ئه‌منی له‌ فه‌ولوجه‌ به‌  PUKmedia ی رایگه‌یاند: ئه‌مڕۆ له‌ ناوچه‌كانی عه‌سكه‌ری و جغێفی و جوبێل و شوهه‌دا و جۆلان و ئه‌لسه‌جه‌ر و ناحییه‌ی یه‌قڵاویه‌ی سه‌ربه‌ قه‌زای فه‌لوجه‌ی رۆژئاوای شاری به‌غدا، چه‌ند گولـله‌  هاوه‌نێك كه‌تنه‌خواره‌وه‌و به‌هۆیه‌وه‌ 6 كه‌س شه‌هیدبوون و 5 كه‌سی دیكه‌ش برینداربوون،كه‌ برینی هه‌ندێكیان سه‌خته‌.

 هه‌روه‌ها زه‌ره‌رو زیانێكی زۆر به‌چه‌ند خانوییه‌كی هاووڵاتیانی ئه‌و ناوچانه‌ كه‌وتووه‌.

سه‌رچاوه‌كه‌، وتیشی: ئه‌مڕۆ زیاتر له‌ 150 تیرۆرستی گروپی داعش له‌ناوچه‌كانی باكور و رۆژئاوای شاری رومادی بڵاوبوونه‌ته‌وه‌و به‌نیازن به‌ره‌و باره‌گای فه‌رمانده‌یی ئۆپه‌راسیۆنه‌كانی ئه‌نبار بچن.

PUKmedia