كه‌مئه‌ندامانی سه‌نگه‌ر پشتوانی له‌ یه‌كێتیه‌كه‌یان ده‌كه‌ن

پشتیوانی لیستی 266 و 77 ی یه‌كێتی ده‌كه‌ن

كه‌مئه‌ندامانی سه‌نگه‌ر پشتوانی له‌یه‌كێتیه‌كه‌یان ده‌كه‌ن و رایده‌گه‌یه‌نن كه‌ یه‌كێتی داكۆكی كاری ته‌واو بوسه‌ له‌مافی كه‌مئه‌ندامان .

كه‌مئه‌ندامانی سه‌نگه‌ر بۆ دووپاتكردنه‌وه‌ی پشتوانی خۆیان بۆ لیستی 266 و 77 ی ئه‌نجومه‌نی پارێزگاكان له‌گه‌ڵ لێپرسراوی مه‌ڵبه‌ندی 12 ی رێكخستنی چه‌مچه‌ماڵ كۆبونه‌وه‌یه‌كیان ئه‌نجامدا له‌و كۆبونه‌وه‌یه‌دا لێپرسراوی مه‌ڵبه‌ند سوپاسی كه‌م ئه‌ندامانی سه‌نگه‌ری كرد كه‌به‌رده‌وامی پشتوانی یه‌كێتیه‌كه‌یانیان كردوه‌ .

له‌وكۆبونه‌وه‌یه‌دا به‌رزان ئه‌حمه‌د كورده‌ رۆڵی كه‌مئه‌ندامانی سه‌نگه‌ری به‌رز نرخاندو وتی : ئێوه‌ له‌رابردودا به‌شێك له‌جه‌سته‌ی خۆتان كرده‌ قوربانی له‌پێناو ئازای بۆ وڵاته‌كه‌تان یه‌كێتی و جه‌ماوه‌ری یه‌كێتیش هه‌میشه‌ شانازی به‌و فیداكاریه‌ی ئێوه‌وه‌ كردوه‌، بۆیه‌ هه‌رچه‌نده‌ خزمه‌ت به‌ كه‌مئه‌ندامانی سه‌نگه‌ر بكرێت هێشتا كه‌مه‌و یه‌كێتیش به‌رده‌وام ده‌بێت له‌خزمه‌تكردنی كه‌مئه‌ندامان و باشتركردنی باروگوزه‌رانی ئێوه‌ی كه‌مئه‌ندامان و منداڵه‌كانتان .

له‌به‌رامبه‌ردا كه‌مئه‌ندامانی سه‌نگه‌ر رایانگه‌یاند: چۆن له‌رابردودا گیان فیدایانه‌ له‌پێناو ده‌سته‌ به‌ركردنی ئازادی بۆ وڵاته‌كه‌مان جه‌نگاوین له‌ئێستایشدا بۆ زیاتر به‌ هێزكردنی پێگه‌ی كورد و یه‌كێتیه‌كه‌مان له‌په‌رله‌مانی عیراق پشتوانی له‌لیستی 266 ی ئه‌نجومه‌نی نوێنه‌رانی عیراق ده‌كه‌ین و پشتوانیش له‌ لیستی 77ی ئه‌نجومه‌نی پارێزگاكان ده‌كه‌ین بۆ ئه‌وه‌ی یه‌كێتی له‌رێگه‌ی ئه‌و لیسته‌وه‌ خزمه‌تی زیاتر به‌جه‌ماوه‌ری كوردستان بكات.

PUKmedia هه‌ردی ئه‌بوبه‌كر