نوێكراوەتەوە.. لەسلێمانی دوو خوێندكاری خۆیان خنكاند

یه‌كێكیان به‌هۆی ده‌رنه‌چونیه‌وه‌ خۆی خنكاندوه‌

لەدوو گەڕەكی شاری سلێمانی دوو خوێندكار خۆیان خنكاندو پۆلیسیش دەڵێ یەكێكیان بەهۆی دەرنەچونیەوە خۆی خنكاندوە.

نەقیب سەركەوت ئەحمەد وتەبێژی بەڕێوەبەرایەتی پۆلیسی پارێزگای سلێمانی لەبارەی ئەو روداوانەوە بە PUKmediaی راگەیاند: دوێنێ 21-4 كەڵەكنی شاری سلێمانی خوێندكارێك كە تەمەنی 16 ساڵانە بەهۆی دەرنەچونیەوە لەماڵی خۆیاندا بەپەت خۆی خنكاندوە.

وتەبێژی پۆلیسی سلێمانی ئەوەشی خستەڕوو: بەیانی ئەمڕۆ 22-4 لەگەڕەكی ئازادی شاری سلێمانی خوێندكارێكی تر كە تەمەنی 17 ساڵانە لەماڵەكەی خۆیاندا بەپەت خۆی خنكاندوە، بەڵام هۆكاری خۆخنكاندنی ئەو خوێندكارە نادیارە.

نەقیب سەركەوت ئاماژەی بەوەشدا بۆ لێكۆڵینەوەی زیاتر تەرمەكان رەوانەی پزیشكی دادوەری سلێمانی كراون، هەروەها لێكۆڵینەوەی هێزەكانی پۆلیسیش لەبارەی ئەو روداوانەوە دەستیپێكردوە.

PUKmedia  تایبەت