riklam

زانیاریی سه‌رسوڕهێن سه‌باره‌ت به‌ گیانداران

kurdistani 08:57 PM - 2014-04-12
سه‌یركردنی گیانداری جوان به‌رهه‌می مرۆڤ زیادده‌كات

سه‌یركردنی گیانداری جوان به‌رهه‌می مرۆڤ زیادده‌كات


1. به‌گوێره‌ی لێكۆڵینه‌وه‌یه‌ك كه‌ له‌ساڵی 2012 بڵاوكرایه‌وه‌، سه‌یركردنی گیانداری جوان له‌كاتی كاركردندا، به‌رهه‌می مرۆڤ زیادده‌كات.
2. له‌ 80% ی زینده‌وه‌رانی سه‌ر زه‌وی، مێرون.
3. به‌گوێره‌ی لێكۆڵینه‌وه‌یه‌ك كه‌ ساڵی ڕابردوو بڵاوكرایه‌وه‌، كاردانه‌وه‌ی گیانداران به‌رامبه‌ر به‌ فشاری كۆمه‌ڵایه‌تی، له‌كاردانه‌وه‌ی مرۆڤ زیاتره‌.
4. ئه‌و زینده‌وه‌ره‌ی له‌قوڵترین خاڵی گۆی زه‌ویدا ده‌ژی جۆره‌ كرمێكه‌ كه‌ پێی ده‌وتریت كرمی شه‌یتان كه‌ له‌قوڵایی 2.2 میل واته‌ 3600 مه‌تردا ده‌ژی.
5. چارلز داروین هه‌ر گیاندارێكی دۆزیبێته‌وه‌، خواردویه‌تی.
6. زاناو هونه‌رمه‌نده‌ی ئیتاڵی لیۆ داڤێنشی (1452-1519) واڕاهاتبوو كه‌ له‌بازاڕ زینده‌وه‌ری له‌قه‌فه‌زنراوی ده‌كڕی ته‌نها بۆ ئه‌وه‌ی ئازادیان بكات.
7. له‌ 70%  ی هه‌موو گیاندارانی دارستان له‌پێناو دابینكردنی ژیانیان، پشت به‌ هه‌نجیر ده‌به‌ستن.
8. یه‌كه‌م زینده‌وه‌ر كه‌ زانراوه‌ له‌ڕێگه‌ی ده‌مه‌وه‌ میزده‌كات، جۆره‌ كێسه‌ڵێكی چینییه‌ كه‌ پێی ده‌وتریێت كیسه‌ڵی توێكڵ نه‌رم.
9. كیشوه‌ری ئه‌فه‌ریقا، لانكه‌ی گه‌وره‌ترین و درێژترین زینده‌وه‌ری وشكانییه‌. گه‌وره‌ترین زینده‌وه‌ری وشكانی فیله‌و درێژترینیش زه‌ڕافه‌یه‌.
10. تائێستا چه‌ند گیاندارێك خۆیان كوشتووه‌ له‌وانه‌ سه‌گ، مانگا، مه‌ڕ، گا.
11. جۆره‌ بۆقێك و چه‌ند گیاندارێكی تر هه‌ن كه‌ توانای ئه‌وه‌یان هه‌یه‌ بۆ خۆپارستن له‌سه‌رمای زستان، له‌و وه‌رزه‌دا خۆیان بكه‌نه‌ مادده‌یه‌كی ره‌ق و دواتر له‌به‌هاردا ده‌توێنه‌وه‌.


PUKmedia  له‌ئینگلیزییه‌وه‌/ والی شێخ عه‌لی

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket