riklam

له‌ڕێی كچه‌ جوتیارێكی هه‌ولێره‌وه‌ 44 پارچه‌ ئاسه‌وار ده‌دۆزرێنه‌وه‌

kurdistani 05:18 PM - 2014-03-10
بۆ سه‌رده‌می ده‌سه‌ڵاتی ئاشوری نوێ ده‌گه‌ڕێنه‌وه‌

بۆ سه‌رده‌می ده‌سه‌ڵاتی ئاشوری نوێ ده‌گه‌ڕێنه‌وه‌

كچه‌ جوتارێك بوه‌ هۆكاری دۆزینه‌وه‌ی 44 پارچه‌ ئاسه‌وار له‌ده‌شتی هه‌ولێر كه‌ بۆ سه‌رده‌می ده‌سه‌ڵاتی ئاشوری نوێ ده‌گه‌ڕێنه‌وه‌.

ئه‌مڕۆ 10-3 له‌كۆنگره‌یه‌كی رۆژنامه‌وانیدا له‌بینای مۆزه‌خانه‌ی هه‌ولێر كه‌ هه‌ریه‌ك له‌ مه‌لا ئاوات به‌ڕێوه‌به‌ری گشتی شوێنه‌واری هه‌رێم و سه‌مه‌د محه‌مه‌د سه‌رۆكی ده‌سته‌ی ژینگه‌ی هه‌رێم و نادر بابه‌كر به‌ڕێوه‌به‌ری شوێنه‌واری هه‌ولێرو سێ مامۆستای خوێندنگای ژاكاوی بنه‌ڕه‌تی كچان ئاماده‌یبوون، به‌ڕێوه‌به‌ری گشتی شوێنه‌واری هه‌رێم رایگه‌یاند: دۆزینه‌وه‌ی ئه‌و پارچه‌ ئاسه‌وارانه‌ به‌هاوكاری سه‌رۆكی ده‌سته‌ی ژینگه‌ی هه‌رێم و سێ مامۆستای خوێندنگای ژاكاوی بنه‌ڕه‌تی كچانی گوندی توڕه‌ق بووه‌ كاتێك مامۆستاكانی به‌شی مێژووی قوتابخانه‌كه‌ ژماره‌یه‌ك خوێندكاریان بۆ سه‌ردان هێناوه‌ته‌ مۆزه‌خانه‌ی هه‌ولێر بۆ ئاشنابوون به‌ئاسه‌واری كوردستان، له‌وكاته‌دا یه‌كێك له‌خوێندكاره‌ كچه‌كان، كه‌ باوكی جوتیاری گوندێكی ده‌شتی هه‌ولێره‌ به‌ مامۆستاكه‌یانی راگه‌یاندوه‌ كه‌ له‌ماڵه‌كه‌یان پارچه‌یه‌ك له‌و جۆره‌ ئاسه‌واره‌ هه‌یه‌ كه‌ له‌مۆزه‌خانه‌كه‌ هه‌یه‌و پاراستویانه‌، دواتر مامۆستاكان په‌یوه‌ندیان به‌باوكی كچه‌كه‌ كردوه‌و ده‌ركه‌وتووه‌ پارچه‌ ئاسه‌واره‌كه‌یان له‌زه‌ویه‌ كشتوكاڵیه‌كه‌یان دۆزیوه‌ته‌وه‌ .

وتیشی: دوای هه‌ڵكۆڵین له‌زه‌وی ئه‌و جووتیاره‌ چه‌ندین پارچه‌ی تری ئاسه‌واری دۆزراونه‌ته‌وه‌ كه‌ هۆكاری ئاشكرانه‌كردنی ئه‌و پارچه‌ ئاسه‌واره‌ له‌لایه‌ن خاوه‌ن زه‌ویه‌كه‌ له‌پێشودا بۆ ترسی جوتیاره‌كه‌ له‌ده‌ستبه‌سه‌رداگرتنی زه‌ویه‌كه‌ی له‌لایه‌ن حكومه‌ته‌وه‌ بوه‌، به‌ڵام ئه‌وان به‌ڵێنیان به‌خاوه‌ن زه‌ویه‌كه‌ داوه‌ كه‌ قه‌ره‌بوی زه‌ویه‌كه‌ی ده‌كه‌نه‌وه‌ .

هه‌ر له‌باره‌ی پارچه‌ ئاسه‌واره‌كان، نادر بابه‌كر به‌ڕێوه‌به‌ری شوێنه‌واری هه‌ولێر رایگه‌یاند: پارچه‌كان بریتین له‌ 44 پارچه‌ی ئاسه‌واری كه‌ بۆ سه‌رده‌می ده‌سه‌ڵاتی ئاشوری نوێ ده‌گه‌ڕێنه‌وه‌ كه‌ بریتین له‌ به‌ردی شت هارین و مۆر و نوسینی بزماری و بازنه‌ی كانزایی و خشتی خانوو دروستكردن و ده‌سكی ده‌رگاو گۆزه‌ .

له‌باره‌ی ناوی ئه‌و گونده‌ی كه‌ ئاسه‌واره‌ی لێ دۆزراوه‌ته‌وه‌، مه‌لا ئاوات وتی: به‌هۆی ترسمان له‌بازرگانانی دزینی شوێنی ئاسه‌واری له‌ئێستادا شوێنی ئه‌و گونده‌ ئاشكرا ناكه‌ین، چونكه‌ به‌ به‌ئاشكرا كردنی ترسمان له‌تاڵانكردنی شوێنه‌كه‌ هه‌یه‌ كه‌ له‌وانه‌یه‌ هه‌ندێك كه‌س بۆ دۆزینه‌وه‌ی شتی گرانبه‌های وه‌كو دراوی زێر بیشێوێنن.

سه‌مه‌د محه‌مه‌د سه‌رۆكی ده‌سته‌ی ژینگه‌ی هه‌رێمیش رایگه‌یاند: دوای گه‌یشتنی زانیاری پێمان بۆ دۆزینه‌وه‌ی ئه‌و پارچه‌ ئاسه‌وارانه‌، به‌هۆی هه‌ستكردنمان به‌پاراستنی كه‌لوپه‌لی ئاسه‌واری وڵاته‌كه‌مان هه‌وڵی خۆماندا بۆ پاراستنیان و ئێستاش ئه‌و پارچه‌ ئاسه‌وارانه‌مان راده‌ستی مۆزه‌خانه‌ی هه‌ولێر كرد.

  PUKmedia ره‌وه‌ست نه‌وزاد - هه‌ولێر

4017171032014_11.jpg

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket