riklam

فایزه‌رو مۆدێرنا نرخی ڤاكسینه‌كانیان به‌رزده‌كه‌نه‌وه‌

جیهان 04:51 PM - 2021-08-01

به‌گوێره‌ی راپۆرتێكی رۆژنامه‌ی فاینشناڵ تایمز، هه‌ردوو كۆمپانیای فایزه‌رو مۆدێرنا، له‌نوێترین گرێبه‌ستیاندا له‌گه‌ڵ یه‌كێتیی ئه‌وورپا بۆ هه‌نارده‌كردنی ڤاكسینی دژه‌ كۆرۆنا، نرخی ڤاكسینه‌كانی تایبه‌ت به‌كۆمپانیاكانیان به‌رزكرده‌وه‌.

راپۆرته‌كه‌ روونیشیكردۆته‌وه‌، له‌و گرێبه‌سته‌ی ئیمزا كراوه‌، نرخی هه‌ر ژه‌مێكی ڤاكسینی فایزه‌ر نرخه‌كه‌ی به‌ (19.50) یۆرۆ دیاریكراوه‌، واتا (23.15)دۆلار، له‌كاتێكدا پێشتر نرخه‌كه‌ی 15.50یۆرۆ بووه‌.

تایبه‌تیش به‌نرخی نوێی ڤاكسینی جۆری مۆدێرنا، وه‌ك له‌راپۆرته‌كه‌دا ئاماژه‌ی پێكراوه‌، نرخی هه‌ر ژه‌مێكی بۆته‌ 25.50دۆلار، به‌راورد به‌نرخه‌كه‌ی له‌گرێبه‌ستی پێشوودا 19 یۆرۆ بووه‌، ده‌رده‌كه‌وێت كه‌ چ به‌رزبوونه‌وه‌یه‌ك له‌نرخه‌كه‌یدا روویداوه‌، به‌ڵام له‌و نرخه‌ كه‌متره‌ كه‌ پێشتر له‌سه‌ری رێكه‌تبوون كه‌ بریتی بوو له‌ 28.50دۆلار، ئه‌وه‌ش به‌هۆی زیادبوونی خواست له‌سه‌ری.

رۆژی سێشه‌ممه‌ی رابردوو 27ی ته‌مووزی 2021، كۆمسیۆنی ئه‌وروپا رایگه‌یاندبوو یه‌كێتیی ئه‌وروپا تاوه‌كو كۆتایی هاوینی ئه‌مساڵ، له‌سه‌ر رێگایه‌ بۆ هێنانه‌دی ئامانجی ته‌واویان له‌پێدانی ڤاكسین به‌هاووڵاتیان به‌ڕێژه‌یه‌ك كه‌ له‌70% كه‌متر نه‌بێت.

هه‌روه‌ها یه‌كێتیی ئه‌وروپا، مانگی ئایاری رابردوو، رایگه‌یاندبوو كه‌ پێشبینی ده‌كه‌ن تا كۆتایی مانگی ئه‌یلولی 2021، بڕی زیاتر له‌ یه‌ك ملیار دۆزی ڤاكسینیان له‌چوار كۆمپانیای ده‌رمان پێبگات.

PUKmedia ئاژانسه‌كان

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket