ھەرێم.. نرخی بەنزین بەرزتر دەبێتەوە

.

نرخی بەنزین لە ھەرێمی کوردستان بەرزبوونەوەی زیاتر بەخۆیەوە دەبینێت و ھەر لیترێک ٥٠ دیناری تری دەچێتە سەر. خاوەن بەنزینخانەکانیش ھۆکارەکەشی بۆ بەرزبوونەوەی نرخی نەوت لە بازاڕەکانی جیھان و بەرزبوونەوەی بەھای دۆلار دەگەڕێتەوە.

بە پێی زانیارییەکان نرخی بەنزین گرانتر دەبێت و نرخی لیترێک بەنزینی نۆرماڵ لە ٧٠٠ دینارەوە دەبێتە ٧٥٠ دینار و موحەسەنیش لە ٧٥٠ دینارەوە دەبێتە ٨٠٠ دینار، سوپەریش لە ٨٥٠ دینارەوە بۆ ٩٠٠ دینار بەرز دەبێتەوە.

بە وتەی خاوەن بەنزینخانەکانیش، بەرزبوونەوەی نرخی نەوت لە بازاڕەکانی جیھان و بەرزبوونەوەی بەھای دۆلار لە بەرامبەر دینار کاریگەرییان لەسەر بەرزبوونەوەی نرخی بەنزین ھەبووە و پێدەچێت نرخی بەنزین لەو نرخەی ھەیە زیاتر بەرز ببێتەوە.

PUKmedia