پشده‌ر.. به‌هۆی بۆردومانی فڕۆكه‌ جه‌نگییه‌كانی توركیاوه‌ 4 كه‌س شه‌هیدبوون

.

ئه‌مڕۆ 13-6-2021، فڕۆكه‌كانی توركیا بۆردومانی نێوان هه‌ردو گوندی دێگه‌ و كانی لانی، سه‌ربه‌ قه‌زای پشده‌ریان كرد و ئۆتۆمبێلێكی مه‌ده‌نیان كرده‌ ئامانج و به‌هۆیه‌وه‌ 4 كه‌س شه‌هیدبوون

به‌كر وه‌یسی به‌ڕێوه‌به‌ری ناحیه‌ی هه‌ڵشۆ  به ‌PUKmedia  ی ڕاگه‌یاند: به‌هۆی بۆردومانی فڕۆكه‌ جه‌نگییه‌كانی توركیا له‌ ناوچه‌یه‌كی نێوان هه‌ردوو گوندی دێگه‌ و كانی لانی سه‌ربه‌ قه‌زای پشده‌ر، چوار كه‌س شه‌هیدبوون كه‌ له‌ناو ئۆتۆمبێلێكی جۆری پیكاپدابوون .

وتیشی: هێشتا ناسنامه‌ی قوربانیه‌كان نه‌زانراوه‌.

ئاشكراشیكرد هه‌ر به‌هۆی بۆردومانه‌كانی فڕۆكه‌ جه‌نگییه‌كانی توركیاوه‌ ئاگرێكی گه‌وره‌ له‌ گوندی كانیلانی ناوچه‌كه‌ كه‌وتووه‌ته‌وه‌.

PUKmedia ئاراز ڕه‌سوڵ/ قه‌ڵادزێ