وێنه‌.. كۆگای سه‌ره‌كی ده‌زگای ڕۆشنبیری جه‌مال عیرفان سووتا

.

به‌هۆی شۆرتی كاره‌باوه‌ كۆگای سه‌ره‌كی ده‌زگای ڕۆشنبیری جه‌مال عیرفان گڕی گرت و زیانێكی زۆری لێكه‌وته‌وه‌.

له‌وباره‌یه‌وه‌ سیروان حه‌مه‌ سه‌عید به‌ڕێوه‌به‌ری ده‌زگای ڕۆشنبیری جه‌مال عیرفان به‌ PUKmedia ی ڕاگه‌یاند: سه‌عات 3ی پاشنیوه‌ڕۆی ئه‌مڕۆ به‌ هۆی شۆرتی كاره‌با كۆگای سه‌ره‌كی ده‌زگای ڕۆشنبیری جه‌مال عیرفان گڕی گرت و زیانێكی زۆری لێكه‌وته‌وه‌.

به‌ڕێوه‌به‌ری ده‌زگای ڕۆشنبیری جه‌مال عیرفان سه‌باره‌ت به‌ زیانه‌كانی ئه‌و ئاگركه‌وتنه‌وه‌ وتیشی: تا ئێستا زیانه‌كان نه‌زانراوه‌، به‌ڵام زیانێكی زۆر به‌ر كۆگاكه‌ كه‌وتووه‌ و كتێبگه‌ڵێكی زۆر سووتاوه‌.

سیروان حه‌مه‌ سه‌عید وتیشی: تیمی بنكه‌ی به‌رگری شارستانی چوارباخ له‌ زووترین كاتدا به‌ هانامانه‌وه‌ هاتن و ڕێگرییان كرد له‌وه‌ی كه‌ ئاگره‌كه‌ ته‌شه‌نه‌ بكات و زیانی زیاتری لێبكه‌وێته‌وه‌.

PUKmedia باشیلا جه‌عفه‌ر