سەڵاحەدین .. داعش جوتیارێك گوللــەباران دەكات

.

درەنگانی ئەمشەو تیرۆرستانی داعش لەناوچەی عەباسی لە سامەڕا جوتیارێك گوللــەباران دەكات و هەوڵی تەقاندنەوەی بورجەكانی وزەی كارەبا دەدەن.

حەیدەر حسێن چالاكوان و چاودێری سیاسی لەسنوری پارێزگای سەڵاحەدین بۆ PUKmedia ووتی: لەناوچەی عەباسی لە سنوری شاری سامەڕا، تیرۆرستانی داعش هەڵیانكوتاوەتە سەر ماڵی جوتیارێك و گوللــەبارانیان كردوە.

وتیشی: هۆكارەكەی تۆڵەكردنەوە بووەو ئەو هاووڵاتیە لەحەشدی عەشایەری كاریكردوە.

رونیشكردەوە: هەرلەهەمان كاتدا ژمارەیەك تیرۆرست هەوڵی تەقاندنەوەی بورجەكانی وزەی كارەبایان داوە، بەڵام هێزەكانی پۆلیس وسوپا روبەڕوویان بوونەتەوەو دوای یەك سەعات شەڕ ناچار بەهەڵاتن كراون.

PUKmedia تایبەت