چەمچەماڵ..كێشەی كۆكردنەوەی خۆڵ و خاشاك چارەسەر دەكرێت

.

دوای شەش رۆژ راوەستانی كارەكانی بەهۆی خەرجنەكردنی شایستە داراییەكانی، كۆمپانیای شكار بۆ  پاكردنەوەو هەڵگرتنەوەی خۆڵ و خاشاكی قەزای چەمچەماڵ دەستیانكردەوە بەكاركردن و بەهەوڵی قوباد تاڵەبانی جێگری سەرۆكی حكومەتی هەرێمی كوردستان كێشەی كۆمپانیاكە چارەسەركراو.

رەمەك رەمەزان قائیمقامی چەمچەماڵ بە PUKmediaی  راگەیاند: دوای هەوڵەكانمان بۆ چارەسەركردنی كێشەی كۆمپانیای شكار، بەخۆشحاڵییەوە قوباد تاڵەبانی جێگری سەرۆكی حكومەتی هەرێم كێشەكەی چارەسەر كردو ئەنجومەمەنی وەزیران نوسراوی بۆ وەزارەتی دارایی كرد كە بڕی 9 ملیارو 789 ملیۆن دینارە بۆ كۆمپانیای شكارو بۆ ماوەی سێ ساڵ مانگانە بەسلفە دەدرێت بە كۆمپانیاكە.

قائیمقامی چەمچەماڵ وتیشی: بازرگانێكی قەزای چەمچەماڵ بەدەمانەوە هات و وەك قەرز  بڕی بڕی 200 ملیۆن دیناری رادەستی كۆمپانیاكە كرد بۆ ئەوەی دەست بەكارەكانیان بكەن.

PUKmedia عەدنان كەلهوڕی