ئێران.. كۆرۆنا پەرلەمان بۆ ماوەی دوو هەفتە دادەخات

.

بەگوێرەی ئاماری نوێی وەزارەتی تەندروستی ئێران، لەماوەی 24 سەعاتی رابردوودا زیاتر لە 24 هەزار كەس تووشی كۆرۆنا بوون و 398 كەسیش گیانیان لەدەستداوە.

سیما سادات لاری، وتەبێژ بەناوی وەزارەتی تەندروستی ئێران دواین ئاماری رەسمی وڵاتەكەی لەبارەی توشبوون و گیانلەدەستدان بەڤایرۆسی كۆرۆنا راگەیاندو جەختیكردەوە كە لەماوەی 24 سەعاتی رابردوودا 24هەزارو 346 كەسی تر تووشی پەتاكە بوون و 398 كەسیش گیانیان لەدەستداوە.

بەگوێرەی ئامارەكەی وەزارەتی تەندروستی ئێران، تا ئێستا 2 ملیۆن و 261 هەزارو 435 كەس تووشی پەتاكە بوون و ژمارەی گیانلەدەستدانیش بۆ 67هەزارو 130 حاڵەت بەرزبۆتەوە.

لاری ئاماژەی بەوەشداوە كۆی ژمارەی چاكبوونەوە گەیشتۆتە 1ملیۆن و 797هەزارو 319 حاڵەت و لەئێستاشدا 4843 توشبوو لەدۆخی ناجێگیردان.

بەهۆی دۆخی بەرزبوونەوەی حاڵەتەكانی توشبوون بەڤایرۆسی كۆرۆنا، بڕیاردرا پەرلەمانی ئێران بۆ ماوەی دوو هەفتە دابخرێت.

PUKmedia ئاژانسەكان