كۆمسیۆن: ھیچ بوارێك بۆ گۆڕینی واده‌ی ھه‌ڵبژاردن نییه‌

.

كۆمسیۆنی باڵای سه‌ربه‌خۆی ھه‌ڵبژاردنه‌كانی عیراق رایگه‌یاند: ھه‌ڵبژاردنی پێشوه‌خته‌ی ئه‌نجومه‌نی نوێنه‌ران له‌ واده‌ی دیاریكراودا ئه‌نجام ده‌درێت و ھیچ بوارێك بۆ گۆڕینی ئه‌و واده‌یه‌ نییه‌.

كۆمسیۆنی ھه‌ڵبژاردنه‌كانی عیراق ئاماژه‌ی به‌وه‌داوه‌، ھه‌وڵه‌كان بۆ به‌رێوه‌چوونی ھه‌ڵبژاردنێكی پاك و شه‌فاف، كه‌ شه‌قامی عیراقی و كۆمه‌ڵی نێوده‌وڵه‌تی رازی بكات به‌رده‌وامه‌.

رونیشیكردووه‌ته‌وه‌، تا ئێستا ناوی 253 حزب و 478 كاندید تۆماركراوه‌ بۆ به‌شداریكردن له‌ ھه‌ڵبژاردنه‌كاندا.

دوپاتیكردووه‌ته‌وه‌، ھیچ بوارێك بۆ دواخستنی پرۆسه‌ی ھه‌ڵبژاردنی پێشوه‌خته‌ نیه‌ و پرۆسه‌كه‌ له‌ واده‌ی دیاریكراوی خۆیدا، كه‌ 10 ی تشرینی یه‌كه‌می ئه‌مساڵه‌، ئه‌نجام ده‌درێت.

PUKmedia كۆمسیۆنی باڵای هه‌ڵبژاردنه‌كانی عیراق