ئێران.. له‌ 24 سه‌عات زیاتر له‌ 8 هه‌زار كه‌س تووشی كۆرۆنا بوون

.

له‌ 24 سه‌عاتی ڕابردوودا 8 هه‌زار و 495 كه‌س تووشی كۆرۆنابوون و 86 تووشبووش گیانیان له‌ده‌ستداوه‌.

له‌وباره‌یه‌وه‌ سیما سادات لاری وته‌بێژی وه‌زاره‌تی ته‌ندروستی ئێران ڕایگه‌یاند: له‌سه‌ره‌تای سه‌رهه‌ڵدانی كۆرۆناوه‌ تا ئێستا یه‌ك ملیۆن و 648 هه‌زار و 174 كه‌س له‌ ئێران تووشی كۆرۆنا بوون و له‌و ژماره‌یه‌ش یه‌ك ملیۆن و 406 هه‌زار و 845 تووشبوو چاكبوونه‌ته‌وه‌ و 60 هه‌زار و 267 تووشبووش مردوون.

سادات لاری ئاماژه‌ی به‌وه‌شكردووه‌ كه‌ له‌ئێستا 3 هه‌زار و 738 تووشبوو له‌ نه‌خۆشخانه‌ و بنكه‌ ته‌ندروستییه‌كان له‌ژێر چاودێری پزیشكیدان.

PUKmedia