مەزڵوم كۆبانێ‌ لەگەڵ فەرماندەیی هێزەكانی روسیا كۆدەبێتەوە

.

فەرماندەی هێزەكانی سوریای دیموكرات(هەسەدە) جەنەڕاڵ مەزڵوم كۆبانێ‌ ئەمڕۆ سێ شەممە پێشوازیكرد لەفەرماندەیی هێزەكانی روسیا لە سوریا.

لەهەژماری تایبەتی خۆی لەتۆڕی كۆمەڵایەتی تویتەر، مەزڵوم كۆبانێ‌ فەرماندەی هێزەكانی سوریای دیموكرات (هەسەدە) رایگەیاند: لەگەڵ ئەلیكساندەر چایكۆ فەرماندەی هێزەكانی روسیا لە سوریا كۆبۆتەوە.

مەزڵوم كۆبانێ‌ ئاماژەی بەوەش كردووە: لەمیانی كۆبوونەوەكەیدا لەگەڵ چایكۆ چەند پرسێكی هاوبەشیان تاوتوێكردووە، لەوانە پێشێلكارییەكانی توركیا لەسەر رێككەوتنی 23 ی ئۆكتۆبەر و شەهیدكردنی سێ‌ ژنە چالاكوانی كورد لەكۆبانێ‌.

هەر لەمیانی كۆبوونەوەكەدا، رێككەوتن لەسەر بەردەوامبوون و زیادكردنی ئاستی هەماهەنگی و كاری هاوبەشی نێوان هەردوو لا.

جەنەڕاڵ كۆبانێ‌ سوپاسی هێزەكانی روسیای كردووە لەپای بەدەمەوەهاتنی بۆ كاری هاوبەش لەپێناو بەرەنگاربوونەوەی ئاڵانگارییەكان.

PUKmedia بەدواداچوون