سه‌رپێچیكردنی هاتوچۆ به‌رده‌وامه‌

.

پاش سه‌رهه‌ڵدانی كۆرۆنا و دواكه‌وتن و بڕینی مووچه‌كانی فه‌رمانبه‌ران به‌ تایبه‌تی هێزه‌كانی ناوخۆ و مانگرتنی پۆلیسی هاتووچۆی سلێمانی، هه‌ندێك كه‌سی هه‌ڵپه‌رست و یاسا شكێن پابه‌ندی ڕێنماییه‌كانی هاتوچۆ نابن و به‌دوور له‌ڕه‌وشتی شۆفێری سه‌رپێچی ده‌كه‌ن.

ئه‌مه‌ له‌كاتێكدایه‌ له‌ئێستادا زۆربه‌ی هه‌ره‌ زۆری هاووڵاتیان و شۆفێران پابه‌ندی ڕێنماییه‌كانی ته‌ندروستی و هاتوچۆن، به‌ڵام هه‌مدیسان هه‌ن كه‌سانێك نه‌فس نزم و سه‌رپێچیكار و یاساشكێن، پابه‌ندی ڕێنماییه‌كانی ته‌ندروستی و هاتوچۆ نابن و كێشه‌ بۆ هاووڵاتیان و هاونیشتمانانن ده‌نێنه‌وه‌.

له‌ئێستادا كه‌ به‌شێك له‌پۆلیسی هاتوچۆ به‌هۆی دواكه‌وتن و بڕینی مووچه‌كانیان مانیان گرتووه‌ و له‌سه‌ر ئه‌ركه‌كانی خۆیان ئاماده‌ نابن، لێره‌و له‌وێ تاك و ته‌را كه‌سانێك هه‌ن كه‌ ئه‌و هه‌له‌یان قۆستۆته‌وه‌ و پابه‌ندی یاساكانی هاتوچۆ نابن و قه‌ره‌باڵغی له‌هه‌ندێك له‌ شه‌قام و شوێنه‌ گشتییه‌كان ده‌نێنه‌وه‌.

بۆ بینینی ڤیدیۆكه‌ ئێره‌ كلیك بكه‌...

PUKmedia تایبه‌ت