پرسەنامەی قوباد تاڵەبانی بۆ تەریقەتی قادری

.

بنەماڵەی شێخ محەممەدی شێخ عەبدولکەریم کەسنەزانی

مورید و دە‌روێشانی تەریقەتی قادرى كەسنەزانی لەكوردستان و جیهان

هەواڵی كۆچی دوایی جەنابی شێخ محەممەدی شێخ عەبدولکەریم رابەری تەریقەتی قادرى كەسنەزانی لە نەخۆشخانەیەكی ویلایە‌تە‌ یەكگرتووەكانی ئەمەریكا، خەمبار و نیگەرانی كردین. لەم ماتەمە گەورەیەشدا پرسەو سەرەخۆشیتان ئاڕاستە‌ دەكەین و بەشداری خەمتانین. 

شێخ محەممە‌د كەسایەتی و رێبەرێكی چاكەخواز و ناسراو وكاريگەری ناوخۆ و دەرەوەی كوردستان و نشیتمانپەروەرێكی دۆستی نزیكی سە‌رۆك مام جەلالی رابەرمان بوو، لەدەستدانیشی خەسارەتێكی گەورەیە بۆ هەموولایەك.

جێگای شێخ محەممە‌د بەهەشتی بەرین بێت و خوا سەبوریی هەموو لایەك بداتەوە.

إنا لله وإنا إلیه راجعون

قوباد تاڵەبانی

جێگری سە‌رۆكی ئە‌نجومە‌نی وە‌زیران

PUKmedia