ئێران.. تائێستا 11 هه‌زارو 106 كه‌س به‌ كۆرۆنا گیانیان له‌ده‌ستداوه‌

.

له‌ ئێران ٢ هه‌زار و ٦٥٢ حاڵه‌تی نوێی تووشبوون و ١٤٨ حاڵه‌تی تری گیان له‌ ده‌ستدان به‌ كۆرۆنا تۆمار كرا. ئاماری گیان له‌ ده‌ستدانیش ١١ هه‌زاری تێپه‌ڕاند.

به‌ پێی ڕاگه‌یه‌ندراوێكی وه‌زاره‌تی ته‌ندروستی ئێران، له‌ ٢٤ سه‌عاتی ڕابردوودا ٢ هه‌زار و ٦٥٢ كه‌سی تر تووشی كۆرۆنا بوون و ١٤٨ تووشبووی ڤایرۆسه‌كه‌ش گیانیان له‌ ده‌ستداوه‌، به‌و شێوه‌یه‌ش كۆی گشتی ژماره‌ی تووشبووانی كۆرۆنا له‌ ئێران گه‌یشتووه‌ته‌ ٢٣٢ هه‌زار و ٨٦٣ حاڵه‌ت و ١١ هه‌زار و ١٠٦ تووشبووی ڤایرۆسه‌كه‌ش گیانیان له‌ ده‌ستداوه‌، له‌ به‌رامبه‌ردا ١٩٤ هه‌زار و ٩٨ تووشبووی كۆرۆنا له‌ ئێران چاكبوونه‌ته‌وه‌.

لای خۆشیه‌وه‌، زانكۆی تاران بۆ زانسته‌ پزیشكییه‌كان ڕایگه‌یاندووه‌، ئه‌و ٦ نه‌خۆشخانه‌یه‌ی بۆ چاره‌سه‌ركردنی تووشبووانی كۆرۆنا ته‌رخان كراون، پڕبوون و نه‌خۆشخانه‌كان توانای وه‌رگرتنی تووشبووانیان نه‌ماوه‌.

PUKmedia ئاژانسه‌كانی ئێران