كەسێك بەتۆمەتی رووداوەكەی ناو بازاری كەلار دەستگیركرا

.

دوای ئەوەی  دوانیوەڕۆی ئەمڕۆ گەنجێك لەناو بازاڕی كەلار بەدەستڕێژی گوللــە كوژرا، پۆلیسی گەرمیان دەستگیركردنی كەسێكی بەو هۆیەوە راگەیاند.

مقەدەم عەلی جەمال قەدوری وتەبێژی پۆلیسی گەرمیان رایگەیاندوە:"دوای ئەوەی نیوەڕۆی ئەمڕۆ سێ شەمە لەنێو بازاڕی قەزای كەلار لەلایەك كەسێكی نەناسراوەوە تەقەلە دوكاندارێك كراو لەئەنجامدا گیانی لەدەستدا".

رونیشكراوەتەوە:"دوای كەمتر لەشەش كاتژمێر دوای لێكۆڵینەوەو سودبینین لە كامیرای چاودێری لەشوێنی ڕوداوەكە پۆلیسی نەهێشتنی تاوانی گەرمیان توانیان تۆمەتبارێك دەستگیربكەن و دەست بەسەر دەمانچەو ئۆتۆمبێلەكەیدا بگرن".

ئاماژە بەوەشدراوە:" لەئێستادا بەبڕیاری دادوەرو بەپێی مادەی 406 بەنكراوەو لێكۆڵینەوەش لەگەڵیدا بەردەوامە.

 PUKmedia راگەیەنراو