ده‌زگای مرۆیی مام هاوكارییه‌كانی ده‌گه‌یه‌نێته‌ ته‌ندروستی چه‌مچه‌ماڵ

.

ده‌زگای مرۆیی مام  بڕێكی زۆر كه‌لوپه‌ل و پێداویستی پزیشكی گه‌یانده‌ به‌ڕێوه‌به‌رایه‌تی ته‌ندروستی چه‌مچه‌ماڵ.

ئه‌مڕۆ سێ شه‌ممه‌ 30 حوزیران به‌ئاماده‌بوونی ڕه‌مك ره‌مه‌زان، قائیمقامی چه‌مچه‌ماڵ و دكتۆر فه‌رهاد محه‌مه‌د، به‌ڕێوه‌به‌ری ته‌ندروستی چه‌مچه‌ماڵ،  ده‌زگای مرۆیی مام له‌ ڕێگه‌ی فه‌لاح سه‌ڵاح، سه‌رۆكی ده‌زگاكه‌وه‌ بڕێكی زۆر له‌ كه‌لوپه‌ل و پێداویستی پزیشكی وه‌ك ده‌مامك و ده‌ستكێش و گاونی گه‌یانده‌ به‌ڕێوه‌به‌رایه‌تی ته‌ندروستی چه‌مچه‌ماڵ.

له‌به‌رامبه‌ر هاوكارییه‌كانی ده‌زگای مرۆیی مام دكتۆر فه‌رهاد محه‌مه‌د مسته‌فا به‌ڕێوه‌به‌ری ته‌ندروستی چه‌مچه‌ماڵ ڕایگه‌یاند: جێگای ده‌ستخۆشیه‌،كه‌ بۆ چه‌نده‌مینجاره‌ ده‌زگای مرۆیی مام هه‌ڵده‌ستن به‌ دابینكردنی پێداویستییه‌كانی نه‌خۆشخانه‌ و سه‌نته‌ره‌كانی كۆرۆنا له‌چه‌مچه‌ماڵ، داواشی له‌ ئه‌و كه‌س و لایه‌نانه‌ كرد كه‌ ئاماده‌ی هاوكاریكردنی كه‌رتی ته‌ندروستی شاره‌كه‌یان هه‌یه‌ وه‌ك هه‌میشه‌ درێغی نه‌كه‌ن بۆ ئه‌وه‌ به‌هه‌موو لایه‌ك به‌هانای نه‌خۆشه‌كانه‌وه‌ بچین.

PUKmedia  عه‌دنام كه‌لهوڕی