په‌رله‌مان لێكۆڵینه‌وه‌ له‌سه‌ر هێرشه‌كانی توركیا و ئێران بۆ سه‌ر هه‌رێم ده‌كات

.

لیژنه‌كانی په‌یوه‌ندییه‌كانی ده‌ره‌وه‌، ناوخۆ و پێشمه‌رگه‌ له‌ په‌رله‌مانی كوردستان كۆبوونه‌وه‌ و تاوتوێd بوردۆمان و هێرشه‌كانی توركیا و ئێرانیان  كرد بۆ سه‌ر سنووره‌كانی هه‌رێمی كوردستان.

له‌وباره‌یه‌وه‌ د. ڕێبوار به‌رپرسی لیژنه‌ی په‌یوه‌ندییه‌كانی ده‌ره‌وه‌ له‌ په‌رله‌مانی كوردستان له‌ كۆنفرانسێكی ڕۆژنامه‌وانیدا ڕایگه‌یاند: ده‌بێت په‌رله‌مانی كوردستان لێكۆڵینه‌وه‌یه‌كی مه‌یدانی له‌سه‌ر له‌شكركێشی توركیا بۆ سه‌ر خاكی هه‌رێمی كوردستان و تۆپبارانی خاڵه‌ سنووره‌ییه‌كانی هه‌رێم له‌لایه‌ن ئێرانه‌وه‌.

وتیشی: دوای ئه‌وه‌ی له‌لایه‌ن سه‌رۆكایه‌تی په‌رله‌مانی كوردستان ته‌كلیف كراین، سێ لیژنه‌ی سه‌ره‌كی له‌ په‌رله‌مانی كوردستان( په‌یوه‌ندییه‌كانی ده‌ره‌وه‌ی، ناوخۆ و پێشمه‌رگه‌) ئه‌مڕۆ كۆبوونه‌وه‌یه‌كی هاوبه‌شمان هه‌بوو، له‌كۆبوونه‌وه‌كه‌دا سێ لیژنه‌ی لاوه‌كیمان پێكهێنا بۆ سنووری پارێزگاكانی دهۆك و هه‌ولێر و سلێمانی بۆ ئه‌وه‌ی له‌ نزیكه‌وه‌ لێكۆڵینه‌وه‌یه‌كی مه‌یدانی بكه‌ین و بۆ زانینی زیانه‌ گیانی و مادییه‌كان و هه‌روه‌ها هۆكاری ئه‌م له‌شكركێشییه‌ بزانین و دواتر ڕاسپارده‌یه‌ك به‌رز بكه‌ینه‌وه‌ بۆ سه‌رۆكی په‌رله‌مان و داوا بكه‌ین كه‌ بزانین ئیمكاناتی سیاسی و دیپلۆماسی حكومه‌تی هه‌رێمی كوردستان چییه‌ بۆ چاره‌سه‌ركردنی ئه‌و بابه‌ته‌ و له‌لایه‌كی دیكه‌وه‌ ئه‌و بابه‌ته‌ په‌یوه‌سته‌ به‌ ڕه‌هه‌ندێكی سیادی لێره‌وه‌ ڕۆڵی حكومه‌تی عیراق چ ده‌بێت و حكومه‌ت عیراق و وه‌زاره‌تی ده‌ره‌وه‌ چۆن به‌ هه‌ماهه‌نگی له‌گه‌ڵ حكومه‌تی هه‌رێمی كوردستان ئه‌و پرسه‌ گرنگه‌ چاره‌سه‌ر ده‌كه‌ن كه‌ كاریگه‌رییه‌كی نه‌رێنی هه‌بووه‌ له‌سه‌ر ڕه‌وشی گیانی و مادی خه‌ڵكی به‌ تایبه‌تی له‌ سنووره‌كان كه‌ به‌داخه‌وه‌ زیانی گیانی لێكه‌وتۆته‌وه‌.

PUKmedia